Bul týraly qalalyq otyn-energetıkalyq resýrstar bóliminiń basshysy Maqsat Esmaǵulov aıtty. Bas shahardaǵy jeke menshik sektordy gazdandyrý jumystary da jalǵasyp jatyr. Qazir shamamen 5 myń jer úıge qubyr tartylǵan. Jyl sońyna deıin bul kórsetkish 3 ese artady. Bıylǵy jylý maýsymynda qaladaǵy 3 jylý elektr stansııasy da, otynǵa gaz qoldanatyn bolady.
Esil aýdanyna qarasty bizde turǵyn alaptar bizde gazdandyrý 2022-2023 jyldarǵa deıin josparlanǵan. Oǵan negizgi ákelýshi gazoprovod aınalma joldyń boıymen "Telman" turǵyn alaby burylysqa deıin bizde ákeletin úlken gaz qubyryn saldyq. Qajetti gaz taratý ortalyǵyn sol jerge ornatty. Bizde jalpy ekinshi kezekte Femılı Vılladj, Garden Vılladj, "Prıgorodnyı" turǵyn alaptary, úshinshi kezekte Ilınka men Lesozavod, qala ortalyǵyndaǵy Shubar turǵyn alaby gazdandyrylady», dedi qalalyq otyn-energetıkalyq resýrstar bóliminiń basshysy Maqsat Esmaǵulov
Al bıyl gazǵa qosyla almaǵan turǵyndardy, jergilikti bılik 12 myńnan astam tonna kómirmen qamtamasyz etedi. Qara otyn arnaıy belgilengen 12 saýda ornynda jazǵy baǵamen satylady. Ákimdiktegiler alyp-satarlardan saqtanýǵa shaqyrady. Kún sýytqanyn kútpeı-aq, aldyn ala satyp alýǵa da bolady. Aıta ketken jón, bıyl jalpy uzyndyǵy 3,5 shaqyrym jylý jelisi jóndelgen. 50 shaqyrymdaı elektr jelisi men 5 shaqyrym sý jáne káriz qubyrlary jańartyldy.
