Bul ortalyqtyń arqasynda endi qazaqstandyq mektep oqýshylary shetelde tegin bilim ala alady. Ol úshin til mektebiniń mamandary, birinshiden, talapkerge aǵylshyn tilin úıretse, ekinshiden, shetelde oqýǵa nıet bildirgen oqýshylarǵa qujat daıyndaý, grantqa túsý, stıpendııaǵa ótinish berý sııaqty prosestik jumystarmen aınalysady.
Marjan Nurlybekqyzy, til ortalyǵynyń jetekshisi:
«Ortalyq qazaqtildi aýdıtorııaǵa baǵyttalǵan. Sońǵy ýaqyttaǵy suranysqa nazar aýdarsam, buryn qalalyq jerdegi aýqatty otbasylardyń balalary shetelge jıi barsa, qazir óńirlerden shyqqan daryndy balalardyń sany artyp keledi. Sonyń nátıjesinde IELTS-ten joǵary ball alyp, grant utyp, shetelge ketý úrdiske aınalǵan», - deıdi.
Álemdegi epıdahýal esebinen bolǵan úziliste kópshilik ózin damytýdy, shet tilin úırenýdi qolǵa aldy. Sonymen qatar, pandemııaǵa qaramastan sheteldik JOO-da oqýdy maqsatty josparlaǵandar bar. Buǵan Marzhan’s Online School-dyń 2021 jyldaǵy 8 aılyq kórsetkishi dálel. Sebebi sıfrlarǵa sensek, osy jyldyń birinshi jartyjyldyǵynda 30 qazaqstandyq Eýropanyń ýnıversıtetteriniń stýdentteri atanǵan. Onyń 95%-y ártúrli óńirden bolsa, tek 5%-y – qala jastary.
«Biz stýdent ortalyqqa kelgen kúnnen bastap onyń talǵamy men suranysyna sáıkes keletin Fransııa, Germanııa men Italııadaǵy oqý oryndary izdestirip, stýdenttiń oqýǵa qabyldaný kezeńderin uıymdastyramyz».
Talapker Eýropadan resmı túrde shaqyrý kelgenge deıin tek 400 evro tóleıdi. Al oqýǵa túskeni rastalǵan soń klıent ortalyqqa barlyq jumysty uıymdastyryp, qujattardy rásimdegeni úshin 400 evro kólemindegi qosymsha qarajatty usynady. Bul kezde talapker endigi Fransııa, Germanııa ne Italııadaǵy bedeldi, joǵary deńgeıli oqý oryndarynyń birine tegin bilim alýǵa attanady.
«Qazaqstandyq úzdik JOO-da oqý úshin eń kem degende jylyna 850 myń teńge kerek. Al bizdiń kómegimizben talapkerler shamamen osyndaı qarajatqa álemniń jetekshi ýnıversıtetinde tegin oqıdy», deıdi Marjan.
Osylaısha, Marzhan’s Online School-ǵa júgingen stýdent Eýropada tegin oqı alady. Buǵan qosa, ortalyq talapkerdiń 12 aıda 2 mıllıon teńge kóleminde shákirtaqy alatynyna da kepildik beredi.
«Iá, siz naryqta osyndaı júzdegen jeke mektep pen til ortalyqtary bar deýińiz múmkin. Alaıda bizdiń ortalyqtyń basqalardan ereksheligi: biz ózimiz joǵary oqý oryndaryn izdep, barlyq qujattardy daıyndap, test tapsyrý men klıenttiń Eýropaǵa kóshýin uıymdastyramyz. Bir qaraǵanda bul «Bolashaq» (memlekettik stıpendııalyq baǵdarlama - red.) baǵdarlamasyna uqsaıdy dep aıtýǵa bolady. Biraq bizdiń jaǵdaıda grantty óteý degen múldem joq. Stýdent buǵan mindettelmeıdi».
Ortalyqta oqytqan stýdentterdiń sany 3000-ǵa jetti. Olardyń kópshiligi – sheteldikter. Stýdentterdi daıyndaý 10 adamnan turatyn ujymǵa júktelgen: 5 kásibı muǵalim jáne 5 menedjer.
«Nátıjesinde biz oqýǵa túsýdiń barlyq kezeńin óz jaýapkershiligimizge alamyz: sizdiń balańyz bizdiń ortalyqta tildiń qarapaıym negizderin úırenýden bastap, Eýropada tegin bilim alýǵa deıingi aralyqta kómektesip, sheteldiktermen durys qarym-qatynas ortanyp ketýine de járdem beremiz. Bul balasyn shetelde oqýǵa daıyndaıtyn ata-analardyń jumysyn edáýir jeńildetedi. Sebebi barlyq jumysty ortalyq mamandary isteıdi».
Til ortalyǵyna kún saıyn shetelde oqýdy armandaıtyn balalar keledi. Joba kópshilikke aýqymdy túrde jarnamalanbasa da, jastardyń kóbi ortalyq týraly bir-birlerinen estip, ortalyqtyń esigin jıi qaǵady.
«Meniń oıymsha, bunyń bári senimge baılanysty. Shyny kerek, tańǵalam. Kelgen oqýshylar men olardyń ata-analary: «Siz qazaqsha bilesiz, tipti aýylda óskensiz. Biz sizge senemiz», deıdi. Bundaı sózdi estý bir jaǵynan, qulaqqa óte jaǵymdy, alaıda ekinshi jaǵynan, bul men úshin de, ortalyq ujymy úshin de úlken jaýapkershilik».
Til kýrstaryna toqtalsaq, toptyq sabaqtarǵa qatysý – 12 myń teńge. Ortalyqta IELTS-tan joǵary ball alǵan muǵalimder ǵana jumys isteıdi. Al sabaqtar qazaq jáne aǵylshyn tilderinde speaking club formatynda júrgiziledi. Mamandardyń baqylaýynsha, talapkerdiń eń basty qorqynyshy – kúndelikti ómirde aǵylshyn tilinde sóıleý.
Rasynda, «shetelde oqýdyń birinshi talaby – shet tilin bilý» ekenin eskersek, Marzhan’s Online School-dyń bul júıesin túsiný ońaı. Sebebi atalmysh mektepte birinshi aǵylshyn tilin joǵary deńgeıde oqytady, ekinshi kezekte Eýropada tegin bilim alyp, stıpendııa alýǵa kómektesedi.
