Aqtóbede ınfeksııalyq kereýetter júktemesi 43, al reanımasııalyq kereýet júktemesi 40 paıyzdy qurap otyr. Sonymen birge 1700-den astam kereýet rezervte tur.
«Qazir aýrýhanadaǵy 800-den astam naýqastyń 88-i jansaqtaý bóliminde jatyr. Jyl basynan beri 521 adam kóz jumdy. Onyń 353-i koronavırýs ınfeksııasy, ózgesi pnevmonııadan», dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Oblys boıynsha jyl basynan beri 4 júkti áıel koronavırýs ınfeksııasynan kóz jumǵan. «О́kinishke qaraı 26-38 jas aralyǵyndaǵy tórt júkti áıel kóz jumdy. Olardyń júktiligi 34-36 aptalyq edi. Aman-esen ómirge kelgen úsh balany qazir týǵan-týystary tárbıelep jatyr. Bireýi shetinen ketti. Jas analardyń sozylmaly aýrýy bar bolǵan soń olardyń ómirin saqtap qalý múmkin bolmady. Olar semizdik, sozylmaly holesıstıt, pıelonefrıt aýrýlaryna shaldyqqan», dedi Aıgúl Kúshtaeva.
