Bul týraly BBC málimdedi.
Ýmeno Sýmııama men Kýme Kodama 1913 jyly Kagava perfektýrasyndaǵy Sedo aralynda dúnıege kelgen. Ýmenonyń tórt balasy, al Kýmeniń úsh balasy bar. Jaqyndarynyń aıtýynsha, ekeýi de uzaq ómir súrip jatqanyn maqtanyshpen aıtyp otyrady.
Qazir Ýmeno men Kýme Japonııanyń eki shetinde ornalasqan qarttar úıinde ómir súredi. Al Gınestiń rekordtar kitabyna engeni jónindegi sertıfıkat koronavırýs pandemııasy zııan keltirýi múmkin degen qaýippen poshta arqyly jiberildi.
Jańa rekord japon elinde jyl saıyn atap ótiletin ulttyq mereke – úlkenderdi qurmetteý kúnine oraılastyryldy.
Ýmeno Sýmııama men Kome Kodama ózderiniń otandastary – ápkeli-sińlili Kın men Jın 2000 jyly ornatqan rekordty (olar 107 jyl 175 kún birge ómir súrdi) jańartty. Kın 2000 jyldyń qańtarynda qaıtys bolsa, Jın bir jyldan keıin 108 jasynda ómirden ótti.
Japon halqy álemde ómir súrý uzaqtyǵy eń joǵarǵy el.
Gınnestiń rekordtar kitabyna sáıkes, qazir kózi tiri eń qart áıel 118 jasta. Bul ataq Fýkoka aralynyń turǵyny Kane Tanakaǵa tıesili. Al eń qart er adam – 1908 jyly dúnıege kelgen pýertorıkalyq Emılıo Flores Markes, ol 112 jasta.
Jer betinde búginge deıin ómir súrgender arasynda eń qart adam ataǵy fransýz áıel Janna Kalmanǵa tıesili (122 jyl jáne 164 kún). Erler arasynda bul rekordty 116 jyl 54 kún ómir súrgen japon Tıtesý Vatanabe jasaǵan.
