Tańbalaý kodyn alý úshin tańbalaý júıesiniń ajyramas bóligi bolyp tabylatyn markirovka.kz taýarlardyń ulttyq katalogynda (NKT) buıymnyń árbir túrine kartochkany toltyrý qajet.
Tańbalaýdyń kody taýardyń óndirýshiden nemese ımporttaýshydan sońǵy tutynýshyǵa deıingi barlyq jolyn qadaǵalaýǵa múmkindik beredi. Tutynýshynyń ózi Naqty Onim mobıldi qosymshasynyń kómegimen ónimniń túpnusqalyǵyn teksere alady.
Aıaq kıimniń ár jubynyń ózindik sandyq kody bolady, bul naryqty kontrafakt pen kontrabandadan tazartady.
Data Matrix kodyna «tigilgen» aqparatty qoldan jasaý múmkin emes. Tańbalaýdyń biregeı kodyn jasaý NKT-da taýardyń barlyq sıpattamalary kórsetilgen kartochkany toltyrǵannan keıin júzege asyrylady.
Taýar kartasyn qurýdyń bes qadamy:
- ESQ-ny egov.kz saıtynda onlaın alý.
- NCALayer baǵdarlamasyn júktep alyp, ony kompıýterge ornatyńyz.
- Markirovka.kz tańbalaý júıesine tirkelý.
- «Taýarlardyń Ulttyq katalogy» bóliminde «Taýar kartochkasy» qosymsha betine ótip, buıym týraly negizgi málimetterdi engizý qajet: modeli, shyǵarylǵan eli, aıaq kıim túri, ústińgi, astyńǵy jáne astyńǵy qabaty materıalynyń túri, brendi, túsi jáne basqa da aqparat.
- Aıaq kıimniń aldyńǵy jaǵyn sýretke túsirip, júkteý.
Eger óndirýshi nemese ımporttaýshy osy ónim modeli týraly derekterdi engizgen bolsa, aqparatty qaıta engizýdiń qajeti joq. Aınalymnyń ár qatysýshysynyń jeke sandyq taýarlar katalogy jasalady.
Satylatyn ónimder týraly derekterdi engizý múmkindigi tańbalaý júıesiniń ónimdi nusqasynda qol jetimdi.
Sondaı-aq, barlyq prosesterdi, sonyń ishinde Data Matrix kodtaryn aldyn-ala daıyndaýǵa bolatyn synaq ortasy bar. Osylaısha tapsyrys berilgen kodtar da synaqtan ótedi. Test-nusqasy silteme boıynsha qoljetimdi.
