Koronavırýs • 21 Qyrkúıek, 2021

Elimizde vaksınalardy ýaqytsha tirkeýdiń zańdylyǵy túsindirildi

Qaznet qoldanýshylary bizdiń elimizde COVID-19-ǵa qarsy birde-bir tirkelgen vaksına joq degen habar taratty. Olardyń pikirinshe, dári-dármekterdi ýaqytsha tirkeý zańsyz, óıtkeni ol Úkimettiń 2020 jylǵy 15 jeltoqsandaǵy №850 qaýlysymen jáne QR Prezıdentiniń 2020 jylǵy 16 naýryzdaǵy tótenshe jaǵdaı rejıminde ǵana áreket etken Jarlyǵynyń 1-tarmaǵymen ǵana ruqsat etiledi. QR Densaýlyq saqtaý mınıstrligi jaǵdaıdy túsindirdi, dep habarlaıdy Egemen.kz.

Botakóz BAQBERGEN

Vedomstvonyń túsindirmesine sáıkes, Qazaqstandaǵy COVID-19-ǵa qarsy qoldanylatyn barlyq vaksınalar resmı túrde tirkelgen. Bul preparattardy ýaqytsha tirkeý tolyǵymen zańdy jáne Memleket basshysynyń múldem basqa Jarlyǵyna negizdelgen.

«COVID-19-ǵa qarsy vaksınalarǵa ýaqytsha memlekettik kýálikti QR DSM Medısınalyq jáne farmasevtıkalyq baqylaý komıteti Qazaqstan Respýblıkasynda óndirilgen SOVID-19 koronavırýsyna qarsy vaksınalardy ýaqytsha memlekettik tirkeý qaǵıdalaryna sáıkes QR Úkimetiniń 2020 jylǵy 15 jeltoqsandaǵy №850 qaýlysynyń negizinde beredi», dep habarlady mınıstrlikten.

Mamandar KVI-ǵa qarsy ımmýndaýǵa arnalǵan preparattardy ýaqytsha tirkeý 2020 jylǵy 7 shildedegi «Halyq densaýlyǵy jáne densaýlyq saqtaý júıesi týraly» kodekste de kózdelgenin túsindirdi. Tıisti normalar 6-baptyń 9-tarmaqshasynda jazylǵan.

«QR Úkimetiniń 2020 jylǵy 15 jeltoqsandaǵy №850 Qaýlysy óz Kúshin joıǵan joq, qaýlyǵa sońǵy ózgeris 2021 jylǵy 15 sáýirde engizildi. Vaksınalar, onyń ishinde Qazaqstanǵa ákelinetin vaksınalardyń árbir serııasy sapa baǵalaýynan ótetinin atap ótý qajet, onyń nátıjeleri boıynsha ónimniń sáıkestik sertıfıkaty beriledi. Sapany baǵalaýdy júrgizý kezinde óndirýshiden alynǵan vaksınanyń sapasyn rastaıtyn qujattar, retteýshi organdar naryqqa serııalardy shyǵarý maqsatynda sapany baqylaýdy júrgizýge ýákilettik bergen zerthana serııasynyń sapa sertıfıkaty muqııat zerdelenedi», delingen QR Densaýlyq saqtaý mınıstrliginiń jaýabynda.

Osylaısha, Qazaqstanda KVI-ǵa qarsy vaksınalardyń tirkelmegeni týraly habarlama - qaýeset. Bizdiń elimizde COVID-19-ǵa qarsy ımmýndaý preparattaryn ýaqytsha tirkeý tolyǵymen zańdy.