Atalmysh marapat Sónmezge «Kyrykkale qalasynyń damýyna úles qosqandardy marapattaý rásimi» aıasynda «Kyrykkale qalasynyń Túrkııa men álemge ashylǵan brendi» nomınasııasynda tabystaldy.
Saltanatty marapttaý rásimi Túrkııanyń Kyrykkale shaharynda medıa, bıznes, saıasat jáne qoǵamdyq uıym kóshbasshylarynyń qatysýymen ótkizildi.
«Marapatymdy maǵan árdaıym demeý bolyp kelgen ata-anama, atajurtym – Qazaqstan Táýelsizdiginiń 30 jyldyq mereıtoıyna, Qazaqstannyń Tuńǵysh Prezıdenti – Elbasy Nursultan Nazarbaevqa jáne ózimniń de qurmetti azamaty bolyp tabylatyn Iаsaýı atamnyń qasıetti shahary – Túrkistanǵa arnaımyn. Mereıtoıyń qutty bolsyn, Túrki áleminiń jaryq juldyzy, atajurtym – Qazaqstanym!», dedi Fatma Sónmez.
Túrkistan qalasynyń qurmetti azamaty, «Ierli Dúshúnje» jýrnalynyń turaqty avtory, Iаsaýı murasyn nasıhattaýshy, qoǵam qaıratkeri, Qazaqstan men Túrkııanyń baýyrlastyǵyn nyǵaıtý maqsatynda júzege asqan kóptegen halyqaralyq jobalardyń avtory Fatma Sónmez qazirgi kezde Túrkııanyń Kyrykkale qalasynyń Iаhshıhan aýdandyq densaýlyq saqtaý departamentiniń dırektory qyzmetin atqarady.
