Qazaqstan mashına jasaýshylarynyń IH forýmynda QR Indýstrııa jáne ınfraqurylymdyq damý vıse-mınıstri Marat Qarabaev osyndaı derek aıtty.
«Elimizde elektrotehnıkalyq mashına jasaý sektory qolǵa alynǵanyn atap ótken jón. 7 aıdyń qorytyndysy boıynsha bul sektordaǵy ósim 28%-dy, óndiris kólemi 130 mlrd teńgeni qurady. О́ndiristiń ósýine «Qaınar-AKB» JShS, «Kazsentrelektroprovod» JShS sııaqty iri oıynshylardyń óndiris kólemin arttyrýy áser etti.
Atap aıtqanda, akkýmýlıator óndirisi ótken jyldyń sáıkes kezeńimen salystyrǵanda 3 esege ósti.
О́nimder Armenııa, Belarýs, Qyrǵyzstan, Reseı, Ázerbaıjan, Tájikstan, О́zbekstan, Ýkraına, Grýzııa jáne Italııaǵa eksporttaldy», dedi mınıstrdiń orynbasary.
Vıse-mınıstr temir jol mashınasyn jasaý boıynsha 7 aıda óndiris kólemi 150 mlrd teńge bolǵanyn aıtady. Bul byltyrǵy kezeńniń kórsetkishinen 50% joǵary kórinedi. Al aýyl sharýashylyǵy mashınasyn jasaý boıynsha 7 aıda óndiris kólemi 3 ese ósip, shamamen 86 mlrd teńge bolǵan.
«Taý-ken jáne munaı-gaz mashına jasaý kásiporyndary negizinen júıe qurýshy, munaı servıstik kompanııalar men jer qoınaýyn paıdalanýshylardyń qajettilikterin qamtamasyz etýge baǵyttalǵan. 7 aıdyń qorytyndysy boıynsha eki sektorda da jıyntyq óndiris kólemi 2020 jyldyń sáıkes kezeńimen salystyrǵanda 11% ósip, 51 mlrd teńgeni qurady. 2021 jyly óńirlerde 2 myń jańa jumys ornyn ashatyn, quny 79,6 mlrd teńge bolatyn 14 jobany iske qosýdy josparlap otyr», dedi Marat Qarabaev
