Ekonomıka • 23 Qyrkúıek, 2021

23,2 mln tonna shóp daıyndaldy – AShM

116 ret kórsetildi

32,8 mıllıon bastan astam maldy qystan aman-esen alyp shyǵý úshin oblys ákimdikterimen birlesip jem-shóp daıyndaý jospary aıqyndaldy. Bul týraly QR aýyl sharýashylyǵy mınıstrligi málimdedi, dep habarlaıdy Egemen.kz.

«Malǵa beretin ekpe shóp alqaby 3,2 mln gektardy quraıdy. Bul ótken jylmen salystyrǵanda 13 myń gektarǵa artyq. Al malǵa jem retinde beriletin daqyldardyń egis alqaby 2,6 mln gektar. 2021 jyldyń 22 qyrkúıegindegi jaǵdaı boıynsha 23,2 mln tonna shóp jınaldy. Bul jospardyń (23,8 mln tonna) 98%-ǵa oryndalǵanyn kórsetedi. Budan bólek, 1,5 mln tonna (94%) pishendeme, 1 mln tonnadan astam (53%) súrlem, 2,9 mln tonna (61%) saban daıyndaldy», delingen mınıstrlik málimetinde.

Bıylǵy aýa raıynyń qolaısyzdyǵy mal azyǵy qoryn jınaýǵa edáýir qıyndyq týǵyzdy. Atap aıtqanda, qurǵaqshylyqtyń kesirinen jaıylymdardyń basym bóligi qýrap qaldy, tabıǵı shabyndyq jerlerde de shóp qalyń bolmady.

«Jaǵdaıdy turaqtandyrý úshin Mınıstrlik naqty sharalar qabyldaýda. Jem-shóp daıyndaý máseleleri boıynsha jergilikti jáne ortalyq atqarýshy organdardyń qyzmetin úılestirý jónindegi respýblıkalyq jedel shtab qurylyp, jumys istep jatyr. Qurǵaqshylyqtan zardap shekken aımaqtarǵa qarjylaı kómek kórsetildi. Máselen, Mańǵystaý men Qyzylorda oblystaryndaǵy jem-shóp satyp alýǵa jumsalǵan shyǵyndardy óteýge Úkimet rezervinen 3,6 mlrd teńge bólindi. Búgingi tańda Mańǵystaý oblysynda 1,2 mlrd teńge ıgerilip, 632 sharýa qojalyǵy men 6021 jeke qosalqy sharýashylyqtyń shyǵyny tólendi. Qyzylorda oblysyna 1,7 mlrd teńge bólinip, onyń 1 mlrd teńgesi 692 sharýa qojalyǵynyń shyǵynyn óteýge jumsaldy», dep atalyp ótken habarlamada.

Mańǵystaý oblysynyń ákimdigi jergilikti bıýdjetten shóp pen jem satyp alýǵa qosymsha 5,3 mlrd teńge (1,9 mlrd teńge – 26 myń tonna shóp satyp alýǵa jáne 3,4 mlrd teńge – 34 myń tonna jem satyp alýǵa) bóldi. Mal azyǵy qunynyń qymbattaýyna baılanysty birqatar oblys ákimdikteri (Aqtóbe, Qostanaı, Pavlodar, SQO, Atyraý, Shymkent q.) jem-shóp satyp alý qunyn arzandatý úshin jergilikti bıýdjetten 13,6 mlrd teńge qarjy bóldi. Aqtóbe oblysy bıyl 6,7 mlrd teńge bólip, oblystyń barlyq agroqurylymdaryn sýbsıdııamen qamtydy.

Bıyl tamyz aıynyń 23-inen bastap malǵa beretin shóp túrlerin respýblıka aýmaǵynan shyǵarýǵa ýaqytsha tyıym salyndy. Sondaı-aq malǵa jem retinde beretin daqyldar eksportyn kvotalaý jónindegi buıryqtyń jobasy ázirlendi.

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar