Álem • 24 Qyrkúıek, 2021

Sáýle Omarova AQSh-ta bank retteýshisiniń basshysy bolyp taǵaıyndalmaq

1030 ret

kórsetildi

1 mın

oqý úshin

AQSh prezıdenti Djo Baıden Kornel ýnıversıtetiniń bank quqyǵynyń professory, Qazaqstannyń týmasy Sáýle Omarovany AQSh-taǵy bank sektorynyń negizgi retteýshisi, aqsha aınalymyn baqylaý basqarmasynyń basshysy (Office of the Comptroller of the Currency, OCC) laýazymyna taǵaıyndaýǵa nıetti, dep habarlaıdy Egemen.kz.

Gaýhar QAPASh

Sáýle Omarova AQSh-ta bank retteýshisiniń basshysy bolyp taǵaıyndalmaq

Bul týraly Bloomberg jáne The Wall Street Journal agenttikteri málimdedi.

Basylym málimeti boıynsha, Omarovanyń kandıdatýrasy resmı túrde osy aptada usynylýy múmkin. Bul laýazymǵa bekitilgen jaǵdaıda, Qazaqstannyń týmasy 1863 jyly qurylǵan retteýshini basqaratyn alǵashqy áıel bolady.

Tamyzda amerıkalyq BAQ, Aq úı ákimshiligi Sáýle Omarovanyń kandıdatýrasyn zerttep jatqanyn habarlady.

OCC - AQSh Qarjy mınıstrliginiń Táýelsiz bólimshesi. Retteýshi 1200 trıllıon dollarlyq jıyntyq aktıvteri bar 14 bankti baqylaıdy, bul eldiń bank júıesiniń barlyq aktıvteriniń úshten ekisin quraıdy.

Osylaısha, OCS Federaldy rezervtik júıemen (FRJ) jáne Federaldy depozıtterdi saqtandyrý korporasııasymen (Federal Deposit Insurance Corporation, FDIC) qatar eń yqpaldy amerıkalyq qarjylyq retteýshilerdiń biri.

Sáýle Omarova Kornel ýnıversıtetiniń Banktik quqyq professory, MMÝ (1989), Vıskonsın ýnıversıtetiniń (1999) jáne Soltústik-Batys ýnıversıtetiniń (2001) túlegi, Zań ǵylymdarynyń doktory. Qazaq, orys jáne aǵylshyn tilderin meńgergen.