Saýda jáne ıntegrasııa mınıstrliginiń resmı saýalǵa bergen jaýabyna sáıkes, Qazaqstannyń kórmege qatysýyn qamtamasyz etý boıynsha jumysty QazExpoCongress - 2019 jylǵy jeltoqsanda Saýda mınıstrligine ótken burynǵy Astana EKSPO-2017 júrgizip jatyr.
«Qazirgi tańda barlyq qurylys-montaj jumystary aıaqtalyp, iske qosý-jóndeý jumystary júrgizilip jatyr. Qurylysqa daıyndyq sertıfıkaty alyndy. Pavılonnyń joǵary tehnologııalyq jabdyqtarynyń kúndelikti jáne úzdiksiz jumys isteýin uıymdastyrý maqsatynda paıdalaný jónindegi reglamentterge sáıkes tehnıkalyq qyzmet kórsetýdi, sondaı-aq uıymdastyrý komıtetiniń talaptaryna sáıkes kúzetti, klınıngti, dezınfeksııalaýdy, deratızasııalaýdy, dezınseksııalaýdy, aýa baptaýdy qosa alǵanda, ınjenerlik jelilerge qyzmet kórsetý jónindegi sharalar keshenin júzege asyrý qajet.
Osy maqsattarǵa qoǵam qarajatynan básekeles ortada ashyq konkýrs ótkizý úshin 488 mıllıon teńge bólindi. Baǵa Dýbaıdaǵy qyzmetterdiń naryqtyq qunyna sáıkes qalyptasady», dep jaýap berdi saýda mınıstrligi.
Vedomstvo kórmege qatysýǵa bólingen qarajat koronavırýsqa baılanysty qysqartylǵanyn túsindirmedi.
QazExpoCongress kompanııa qyzmetkerleri kórmeniń alty aı boıy iskerlik jáne bıznes-is-sharalardy qalyptastyrý boıynsha jumys júrgizip jatqanyn túsindirdi. Is-sharalar qorytyndysy boıynsha yntymaqtastyq týraly sharttar men kelisimderge qol qoıylady. Olar el ekonomıkasyn damytý úshin mýltıplıkatıvtik áser alýǵa múmkindik beredi dep kútilip otyr.
