Qazaqstan zańnamasy talaptarynyń saqtalýyn baqylaý sheńberinde mınıstrlik turaqty túrde buqaralyq aqparat quraldarynyń, onyń ishinde Internet jelisiniń ónimderine monıtorıng júrgizedi.
2020 jyldyń II jartyjyldyǵynda júrgizilgen monıtorıng barysynda Google áleýmettik jelisinde 13 838 quqyq buzýshylyq faktisi anyqtaldy, atap aıtqanda, Qazaqstan Respýblıkasy zańnamasyn saqtamaýdyń tómendegideı negizgi túrleri boıynsha 105 eskertý hat joldandy:
- terrorızm men ekstremızmdi nasıhattaý boıynsha 13 643 fakti tirkelip, 37 hat joldandy;
- BAQ-ty qylmystyq jáne ákimshilik quqyq buzýshylyqtar jasaý maqsatynda paıdalaný boıynsha 94 quqyq buzýshylyq tirkelip, 4 hat joldandy;
- etnosaralyq alaýyzdyq týdyratyn aqparatty taratý boıynsha 40 fakti tirkelip, 17 hat joldandy;
- naqty jalǵan aqparat taratý boıynsha 21 quqyq buzýshylyq tirkelip, 17 hat joldandy;
- Elbasy jáne Qazaqstan Prezıdentiniń abyroıy men qadir-qasıetine nuqsan keltiretin aqparatty taratý boıynsha 18 fakti tirkelip, 18 hat joldandy;
- beıbit jınalystar, mıtıngiler, sherýler, pıketter uıymdastyrý men ótkizý tártibi týraly Qazaqstan zańnamasyn buzatyn aqparatty taratý boıynsha 6 quqyq buzýshylyq tirkelip, 4 hat joldandy;
- azamattardyń derbes derekterin zańsyz taratý boıynsha 3 quqyq buzýshylyq tirkelip, 3 hat joldandy;
- zulymdyq pen zorlyq-zombylyqty nasıhattaý boıynsha 2 fakti tirkelip, 1 hat joldandy;
- balanyń densaýlyǵyna, adamgershilik jáne rýhanı damýyna zııan keltiretin aqparatty ornalastyrý, jeke nemese bıometrııalyq derekterdi, kámeletke tolmaǵan adamnyń jeke basyn anyqtaýǵa múmkindik beretin basqa aqparatty taratý boıynsha 3 fakti tirkelip, 2 hat joldandy.
Qoldanystaǵy zańnamada «kıberbýllıng» uǵymy áli kózdelmegen, osyǵan oraı kıberbýllıng quqyq buzýshylyq faktileri boıynsha zańnamalyq shekteýler joq.
Osyǵan baılanysty, mınıstrliktiń statıstıkalyq málimetterinde «kıberbýllıng» faktileri boıynsha quqyq buzýshylyqtar joq.
Sonymen qatar Google-diń 2020 jyldyń ekinshi jartyjyldyǵy týraly esebinde usynylǵan statıstıkalyq málimetter qandaı prınsıp boıynsha esepteletini jáne materıaldardy qaraý ádistemesi qalaı júrgiziletini belgisiz.
«Qyzmetter men derekterdiń qoljetimdiligi týraly esepti» 2011 jyldan bastap kórýge bolady, joıý suraýlarynda aıtylǵan mazmun elementteriniń jalpy sany – 192 503. Sáıkesinshe, 2020 jyldyń ekinshi jartyjyldyǵynda 49 mólsherinde usynylǵan statıstıka durys emes.
«Egemen-aqparat»
