JCI akkredıtteýinen ótti

AQSh-ta ornalasqan JCI (Joint Commission International) medısınalyq uıymdardy ak­kre­dıtteý jónindegi halyq­aralyq birikken komıssııasy Kardıologııa jáne ishki aýrý­lar ǵylymı-zertteý ınstıtý­tynyń qyzmetin 23 jáne 27 ta­myz aralyǵynda baǵalady. Akkre­dıtteý medısınalyq uıymnyń bastamasymen júzege asty.

«Bizdiń klınıka JCI akkre­dıtteýinen sátti ótkenin maq­tanyshpen aıtqymyz keledi. JCI akkredıtteýi – joǵary sa­paly medısınalyq kómek stan­darty. JCI akkredıtteýine da­ıyndyq barysynda klı­nı­kanyń oılaý júıesi óz­geredi. Qyzmetkerler onda bolyp jat­qannyń barlyǵyna pa­sıenttiń kózimen qaraı bas­taıdy, olar emniń barlyq ke­zeńin taldaıdy, yqtımal qa­ýip­­terdi aldyn ala anyqtap, olar­men kúresedi», deıdi ǴZI basqarma tóraıymy Roza Qýa­nyshbekova.

JCI akkredıtteýi – medısına salasyndaǵy halyq­aralyq deńgeıdegi «altyn stan­dart» – medısınalyq uıym­daǵy qyz­metterdiń sapasy men qa­ýipsizdiginiń eń bedeldi jáne obektıvti tanylýy. Ol uıym­nyń halyqaralyq deńgeıde qa­byldanǵan medısınalyq jáne ákimshilik standarttarǵa, sondaı-aq halyqaralyq maq­sattar men pasıentterdiń qa­ýipsizdigin qamtamasyz etý ta­lap­taryna sáıkestigin rastaıdy.

JCI halyqaralyq sarap­tamalyq komıssııasy júrgizgen aýdıt klınıkanyń dárigerleri men meıirgerleriniń kásibı biliktiligi joǵary ekenin rastady. Uıymdaǵy barlyq bólim men proses dárigerdiń emdeýi men meıirger kútiminen bas­tap, ǵımarattyń qaýipsizdigi, ın­feksııalyq baqylaý, dári-dár­mekterdi qoldaný, pa­sıent­tiń quqyqtaryn saqtaý, kadr­larmen qamtamasyz etilýine deıin JCI standarttary boıynsha ba­ǵalanady. Klınıkanyń jumysy 200-den astam negizgi standart, 400-ge jýyq jalpy stan­dart­ jáne 1100-den astam qo­symsha kórsetkish boıynsha baǵalanady.

JCI-ge daıyndyq kezinde pasıentter qaýipsizdiginiń ha­lyqaralyq maqsattaryna mo­nı­­torıng jasaldy. Júıeli ju­mystyń nátıjesinde klını­kalyq kórsetkishter jaqsardy, pasıentterdiń qanaǵattanýy artty, ólim-jitim 2 eseden as­tamǵa tómendedi, qaýiptiligi jo­ǵary dári-dármektermen ju­mys isteýge erekshe kóńil bólindi (olardy jeke saqtaý, tańbalaý, tizimder), dári-dármekterdi qol­daný jáne meıirgerlik pro­sestiń tıimdiligi aıtarlyqtaı ósti. Akkredıtteý meıirgerdiń ró­lin edáýir arttyrady, kóp­tegen daǵdyǵa úıretip, kóp fýnk­sııa beredi. Instıtýt qyz­metiniń sońǵy 3 jyldaǵy kór­setkishteri turǵyndar arasynda medısınalyq kómektiń barlyq spektri joǵary sura­nysqa ıe ekenin kórsetti.

«Bul konsýltasııalyq-dıag­nostıkalyq kómek, kún­dizgi sta­sıonar – konser­va­tıvti kardıo­logııa men terapııa – kardıohırýrgııa men ońaltýdan bastap, halyqqa medısınalyq kómektiń tolyq sıkliniń bolýyna baılanysty múmkin boldy», dep atap ótti R.Qýanyshbekova.

Qazaqstanda JCI halyq­aralyq standarttaryn engizý medısınalyq uıymdar ara­syndaǵy básekelestikti damy­týǵa jáne sol arqyly medı­sı­nalyq qyzmettiń ashyqtyǵy men sapasyn jaqsartýǵa yqpal etetinin atap ótken jón.

«Egemen-aqparat»