Qoǵam • 27 Qyrkúıek, 2021

«Qazqutqarý-2021»: Qazaqstan jasaǵy birinshi oryn aldy

62 ret kórsetildi

2021 jyldyń 27 qyrkúıeginde Almaty oblysynyń Tamǵaly Tas shatqalynda ornalasqan «Jartasty qala-Astana» oqý-jattyǵý polıgonynda «Qazqutqarý-2021» qutqarý kópsaıysy jáne áskerı-qutqarý úshsaıysy boıynsha jarystardyń qatysýshylaryn marapattaý rásimi ótti, dep habarlaıdy Egemen.kz.

Jarystarǵa Respýblıkalyq jedel-qutqarý jasaǵy men Batys Qazaqstan oblysynyń jedel-qutqarý jasaǵynyń qutqarýshylary, Qazaqstan Respýblıkasy TJM 28237, 52859, 68303 áskerı bóliminiń áskerı qyzmetkerleri jáne О́zbekstan, Qyrǵyzstan TJM qutqarýshylary qatysty.

Qutqarýshylar «Qazqutqarý-2021» qutqarý kópsaıysy aıasynda «Tehnogendik apattar jaǵdaıynda izdeý-qutqarý jumystary», «Akvatorııalardaǵy izdeý-qutqarý jumystary» jáne «Tabıǵı ortadaǵy izdeý-qutqarý jumystary» qashyqtyqtardan ótti. Jarystardyń qorytyndysy boıynsha jalpykomandalyq oryndar tómendegideı bólindi: О́zbekstan Respýblıkasy Tótenshe jaǵdaılar mınıstrliginiń qutqarýshylar komandasy úshinshi oryndy ıelendi.

Batys Qazaqstan oblysy Tótenshe jaǵdaılar departamenti Jedel-qutqarý jasaǵynyń qutqarýshylar komandasy ekinshi orynǵa ıe boldy. Respýblıkalyq jedel-qutqarý jasaǵynyń qutqarýshylar komandasy birinshi oryndy jeńip aldy.

Áskerı-qutqarý úshsaıys jarystarynyń nátıjesi boıynsha 52859 áskerı bóliminiń komandasy úshinshi oryndy, 28237 áskerı bóliminiń ofıserler komandasy ekinshi oryndy, 28237 áskerı bóliminiń kontrakt boıynsha qyzmet atqaratyn áskerı qyzmetshiler komandasy birinshi oryndy ıelendi.

Barlyq komandalar dıplomdarmen, kýboktarmen jáne baǵaly syılyqtarmen marapattaldy. Jarystarda qutqarýshylar avarııalyq-qutqarý jumystaryn júrgizý kezinde uıymshyldyqty, joǵary kásibılikti, sondaı-aq jeńiske degen erik-jigerdi kórsetti.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar