Koronavırýsqa qarsy kúres kúsheıtiledi

Brıfıng barysynda aldymen Premer-Mınıstrdiń orynbasary Eraly Toǵjanov sóz alyp, densaýlyq saqtaý júıesiniń aldyna qoıylǵan naqty mindetterge toqtaldy.

«Búgingi tańda Qazaqstanda koronavırýsqa qarsy 3 vaksına qoljetimdi: Spýtnık V, Sıno­farm jáne QazVac. Buǵan qosa Mem­­leket basshysynyń tap­syr­­masy boıynsha bıylǵy IV toq­­sanda Pfizer jetkiziledi dep kúti­lýde. Bul rette tıimdiligi jaǵy­nan sheteldik balamalardan kem túspeıtin otandyq vaksınany qoldaımyz», dedi E.Toǵjanov.

Onyń aıtýynsha, ótken aıda QazVac vaksınasy 650 myń doza kóleminde óndirildi, osy aıda 750 myń doza jetkiziledi dep kútilýde. Eki óndiristik alań da­ıyndaldy: Jambyl oblysynda bıofarmasevtıkalyq zaýyttyń tolyq daıyndyǵy qamtamasyz etildi; «Antıgen» kásipornynyń bazasynda vaksınalar, onyń ishinde QazVac shyǵarýdyń tolyq sıkli bar BQPǴZI ekinshi óndiristik alańy iske qosyldy. Bıyl Qazaqstan tarıhynda alǵash ret «Bıologııalyq qaýipsizdik týraly» arnaıy zań qabyldanady. Bul bıoqaýiptermen kúresýge quqyqtyq negiz quraıdy. Eldiń bıo­qaýipsizdigin boljaýdyń ult­tyq júıesin qurý kózdelgen. Bul júıeli negizde bıologııalyq qa­ter­lerden qorǵaý boıynsha ju­mys júrgizýge múmkindik beredi.

«Sondaı-aq dári-dármekter men medısınalyq buıymdardyń jeke óndirisin damytý basym­dyqqa ıe. Búgin biz ózimizdi 17%-ǵa qamtamasyz etip otyrmyz. 2025 jylǵa qaraı bul 50% deń­geı­ge jetedi. Bul úshin Úkimet deń­­ge­ıinde arnaıy keshendi jospar qa­­byl­dandy», dep atap ótti Úki­met bas­shysynyń orynbasary.

Sonymen qatar Qazaqstanda sanıtarlyq-epıdemııalyq qyz­mettiń materıaldyq-teh­nı­­ka­lyq jabdyqtalýy kú­sheı­tiledi. 12 zerthana joǵary teh­no­logııalyq jabdyqpen jaraq­­tan­dyrylady. Bul ýly ele­mentterdi, tuzdar men metal­dar­dy anyqtaý maqsatynda tamaq ónimderine, balalar oıynshyq­tary­na, sýǵa jáne basqa da ónim­derge zerthanalyq zertteý­ler júr­gizýge múmkindik beredi. Son­daı-aq medısınalyq buıym­dardy zerthanalyq jáne tehnı­kalyq synaqtardan ótkizý or­talyǵy qurylady. Bul halyq­aralyq standarttar boıynsha dárilik zattar men medısınalyq buıymdardyń qaýipsizdigi men sapasyna synaqtar júrgizýge múmkindik beredi.

«Pandemııadan keıingi kezeń­de Qazaqstan Úkimeti halyq ara­syn­­da salamatty ómir saltyna erek­she kóńil bóledi. «Deni saý ult» ulttyq jobasynda salamat­ty ómir saltyna erekshe kóńil bó­linip, naqty shara­lar aıqyn­­dal­dy. «Bul 2025 jyl­ǵa qa­raı salamatty ómir sa­l­tyn us­­ta­natyn azamattardyń úle­sin 45%-ǵa deıin arttyrýǵa múmkin­dik beredi», dep atap ótti E.Toǵjanov.

Taǵy bir basymdyq – densaý­lyq saqtaý salasyna jańa tehnologııalardy engizý jáne jańa zamanaýı aýrýhanalar salý. Bıyl Qazaqstan Ortalyq Azııadaǵy onkologııalyq aýrýlardy tıimdi jáne aýyrtpalyqsyz emdeýge arnalǵan «Gamma-pyshaq» orna­tylǵan elderdiń birine aınaldy. Eger buǵan deıin jylyna 50-ge jýyq qazaqstandyq shetelge shyǵyp, bir adamǵa orta eseppen 1 mln teńge jumsalsa, bıylǵy mamyr aıynan bastap Neırohırýrgııa ortalyǵynyń bazasynda 142 ota jasaldy. Budan ózge, árbir oblys ortalyǵynda jáne respýblıkalyq mańyzy bar qalalarda MJÁ sheńberinde zamanaýı medısınalyq ortalyqtar salynady. Zamanaýı tehnologııa­lary bar álemdik aýqymdaǵy al­ǵashqy aýrýhanalar Nur-Sultan jáne Túrkistan qalalarynda salynyp jatyr. Osylaısha, bolashaqta qazaqstandyqtar shetelge shyqpaı-aq, joǵary sapaly em ala alady.

Sondaı-aq is-shara kezinde vaksınalaý barysy jáne revak­sınalaýǵa daıyndyq týraly Den­saý­lyq saqtaý mınıstri Alek­seı Soı aıtyp berdi. Mınıstrdiń aı­týynsha, qazirgi ýaqytta KVI-ǵa qarsy revaksınalaý júr­gizý álemdik tájirıbeni jáne halyq­aralyq uıymdardyń – DDU, SDS ustanymdaryn zerdeleı otyryp, talqylaý satysynda tur.

«Qazir revaksınalaý máse­lesi álemniń barlyq eliniń al­dyn­da tur. Qazaqstanda sanı­tar­lyq-epıdemııalyq qyz­mettiń qyzmetkerlerinen, je­tek­shi ǵalymdar, klınısıs­ter, dárigerlerden turatyn jeke ju­mys toby quryldy. Biz je­tekshi halyqaralyq agenttik­terden, DDU-dan jáne basqa da uıymdardan aqparat surattyq, qazirgi ýaqytta barlyq tájirıbe jınaqtalýda», dedi A.Soı.

Búgingi tańda álemdik deńgeı­de vaksınalaý kýrsy men revaksınalaý arasyndaǵy ınterval, halyqtyń qandaı toptary revaksınalaýǵa jatatyny týraly naqty krıterııler joq. Bul másele Densaýlyq saqtaý mınıstrliginiń konsýltatıvtik organy – Qazaqstan halqyn ımmýndaý jónindegi konsýltatıv­tik komıssııanyń otyrysynda qaraldy. Jaqyn arada ýaqytyn jáne qaıta vaksına alatyn kon­tıngentti anyqtaı otyryp, revaksınalaý taktıkasy týraly sheshim qabyldanbaq.

«COVID-19-ǵa qarsy revaksınalaý qazirgi tańda álemdegi jańa tájirıbe bolmaq. Barlyq derekti jınaqtaǵannan keıin, jaqyn arada Densaýlyq saq­taý mınıstrligi janyndaǵy halyq­ty ımmýndaý jónindegi konsýl­tatıvtik komıssııanyń qorytyndysynan soń sarapshylar toby qorytyndy beredi, biz mindetti túrde habarlaımyz. Medısınalyq nysandardyń daıyndyǵy turǵysynan bizde tolyq daıyndyq bar, barlyq egý pýnkti daıyn, dárigerler oqytylǵan jáne sheshim qabyl­danǵannan keıin búkil el tolyqqandy rejimde jumys isteıdi», dep túıindedi A.Soı.

Aldyn ala derekter boıynsha revaksınalaý ekinshi dozadan keıin 9 aıdan soń júrgiziledi. Bul rette revaksınalaý birinshi kezekte halyqtyń álsiz toptarynan turatyn kontıngentterge usynylady.

Sonymen qatar A.Soı Pfizer vaksınasynyń qashan jetkiziletini jáne balalardy vaksınalaý týraly aıtty.

«Pfizer vaksınasyn jetkizý osy jyldyń tórtinshi toqsanynda josparlanǵan, kesteler kompanııamen tekserilgennen keıin biz naqty kúnderin kórsetemiz. Vaksına alýy tıis turǵyndardyń, atap aıtqanda, jas sanatyna keletin bolsaq, birinshiden, Qazaqstanda Pfizer kompanııasy málimdegen tirkeý kýáligi men nusqaýlyqta 12 jastan asqan balalar men jasóspirimder kórsetilgen, olar Pfizer vaksınasyn ala alady. Bul rette tek erikti negizde jáne ata-analarynyń kelisimimen ǵana vaksına salynady. Sondaı-aq vaksına alýy tıis balalardyń jas parametrleri ózgerýi múmkin. Qazir klınıkalyq zertteýler júrgizilgen elder­diń retteýshileri zertteý málimet­terin bekitkennen keıin biz resmı usynystar alamyz, múmkin biz de osy tásilderdi qarastyrarmyz», dep túsindirdi vedomstvo basshysy.

Qazirgi ýaqytta Pfizer vaksı­nasynyń logıstıkasy men saq­taý máselelerin pysyqtaý boıyn­sha is-sharalar aıaqtalýda, óńir­ler­diń densaýlyq saqtaý bas­qar­­ma­larymen semınar-keńes­ter ót­kizildi. 5 jastan asqan bala­larǵa vaksınany qoldaný boıyn­sha Densaýlyq saqtaý mınıstr­ligi Pfizer kompanııasyna suraý jol­da­dy, bul týraly resmı aqpa­rat alǵannan keıin qosymsha habarlanady.