Atom ónerkásibindegi qyzmetkerler kúnin bekitý týraly qaýlyny QR Prezıdenti 2001 jylǵy 13 jeltoqsandaǵy «Qazaqstan Respýblıkasyndaǵy merekeler týraly» Zańynyń 4-babyna sáıkes 2008 jyldyń 12 mamyrynda shyǵardy. Qazaqstannyń merekeler kúntizbesinde atom salasy qyzmetkerleri kásibı merekesiniń paıda bolýy atalmysh salanyń el ekonomıkasyn damytýdaǵy mańyzdy rólin kórsetedi.
Búgingi kúni atom ónerkásibi – respýblıkadaǵy ǵylymdy qajetsinetin jáne tıimdi salalardyń biri. El basshysy Qasym-Jomart Toqaevtyń Joldaýynda álem tájirıbesine sáıkes, eń tıimdi sheshim beıbit atom delingen. Prezıdent bir jyldyń ishinde Qazaqstandaǵy qaýipsiz jáne ekologııalyq atom energetıkasynyń damý múmkindikterin zertteýge tapsyrma bergen. Qazaqstanǵa atom elektr stansııasy kerek pe degen suraq qazaqstandyqtardy alańdatady. Alaıda bul suraqtyń naqty jaýaby áli kúnge deıin belgisiz.
Atap óteıik, birneshe kún buryn Venada Atom energetıkasy jónindegi halyqaralyq agenttiktiń Bas konferensııasynyń jyl saıynǵy 65-shi sessııasy ótti. Sharaǵa Qazaqstannyń ókilderi de qatysty.
