Qazaqstan • 28 Qyrkúıek, 2021

Energetıka salasynda 12 myńnan astam jumys orny qurylady

48 ret kórsetildi

Búgin Úkimet otyrysynda Indýstrııalandyrý kartasy jobalaryn talqylaý kezinde Energetıka mınıstri Maǵzum Myrzaǵalıev otyn energetıkasy salasyndaǵy jobalar týraly aıtty, dep habarlaıdy Egemen.kz.

«Indýstrııalandyrý kartasyn iske asyrý barysynda mınıstrlik oblys ákimdikterimen birlesip, otyn-energetıka kesheni salasynda 4,5 trln teńge quraıtyn 19 jobany iske asyrýda. Respýblıkalyq kartada 4,3 trln teńge somasyna úsh joba kózdelgen. Bul jobalar aıasynda shamamen 12 550 jumys orny qurylady. Onyń ishinde qurylys kezeńinde on bir myńǵa jýyq adam jáne paıdalaný kezeńinde 1 650 adam jumyspen qamtylatyn bolady. 2021 jyly 25 mlrd teńge bolatyn bir joba júzege asyryldy», dep túsindirdi M. Myrzaǵalıev.

Onyń aıtýynsha, qazirgi tańda jalpy somasy 4,3 trln teńge bolatyn 2 joba iske asyrylyp jatyr. Sondaı-aq, óńirlik kartada eki júz mıllıard teńge somasyna 16 joba kózdelgen. Bul jerde úsh myńǵa jýyq jumys ornyn qurý josparlanyp otyr. Atap aıtqanda, qurylys kezeńinde eki jarym myń adam jáne paıdalaný kezeńinde 450-ge jýyq adam jumyspen qamtylady. Búgingi tańda bir joba salynyp bitti. Onyń jalpy somasy 1,9 mlrd teńgeni qurady. 15 joba iske asyrylyp jatyr. Olardyń jalpy somasy – eki júz mlrd teńgege jýyq.

«Onyń ishinde 14 jobany bıyl júzege asyrý josparlanyp otyr. Bir jobany iske asyrý 2022 jylǵa josparlanǵan», dedi mınıstr.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar