«Qarjylyq barlaý málimetteri boıynsha, shaǵyn bir kúndik fırmalardan basqa qolma-qol aqshany zańsyz alý shemalaryn iri kompanııalar da qoldanady. Aıta ketý kerek, mundaı kompanııalardyń somasy 10, tipti 20 ese joǵary, sáıkesinshe memleketke aıtarlyqtaı zııan keltiredi», dep jazylǵan habarlamada.
Qarjylyq monıtorıng agenttiginiń Mańǵystaý oblysy boıynsha aýmaqtyq departamenti «Mańǵystaýmunaıgaz» AQ-nyń laýazymdy tulǵalarynyń aqsha qarajatyn jymqyrý dereginiń jolyn kesti.
Tergeý barysynda 2017-2018 jyldary «MMG» AQ Quqyqtyq qamtamasyz etý departamentiniń dırektory D.Beısembın jáne onyń orynbasary A. Dáýlenbaeva jyljymaıtyn múlik obektileriniń quqyq belgileýshi qujattaryn qalpyna keltirý jáne tirkeý boıynsha qyzmet kórsetkeni úshin D.Lısovoı jáne A. Iýndtpen jalǵan sharttar jasaǵandyǵy anyqtaldy.
Bul rette, AQ-nyń 700-den astam jyljymaıtyn múlik obektileriniń qujaty Mańǵystaý oblysynyń memlekettik muraǵatynda saqtalǵan jáne olardy qalpyna keltirý qajet bolmaǵan. Qujattardyń kóshirmesi tegin usynylady.
Osylaısha, AQ shottarynan qarajatty zańsyz qolma-qol aqshaǵa aınaldyrý maqsatynda D.Lısovoıdyń atyna negizsiz 455 mıllıon teńgeden astam qarajat aýdaryldy. Kórsetilgen qyzmetter úshin D.Lısovoı men A. Iýndt árqaısysy 10 mıllıon teńgeni ıelendi.
Kináli tulǵalar 5 jylǵa bas bostandyǵynan aıyryldy.
