Birinshi oqıǵa Ekibastuzda boldy.
«27 qyrkúıek kúni saǵat 13:00-de Qonaev kóshesindegi uıym aýmaǵynda JShS sehyndaǵy 30 jastaǵy slesar bólshekteý jumystaryn júrgizý kezinde 10 metr bıikti qulady», dep habarlady Pavlodar oblysy polısııa departamentiniń baspasóz qyzmeti.
Túrli dene jaraqattaryn alǵan er adam Ekibastuz qalalyq aýrýhanasynyń jansaqtaý bólimine jatqyzyldy. Densaýlyq saqtaý basqarmasynyń habarlaýynsha, qazir zardap shegýshiniń jaǵdaıy aýyr. Dárigerler oǵan jabyq omyrtqaly julyn jaraqaty, ıaǵnı omyrtqanyń úshinshi dárejeli qysylýynyń turaqsyz synýy dıagnozyn qoıdy.
Ekinshi oqıǵa Pavlodarda oryn aldy. Polısııa departamenti 27 qyrkúıek kúni tańerteń Qataev kóshesinde salynyp jatqan nysannyń aýmaǵynda 58 jastaǵy aǵash ustasy-betonshy baspaldaqtan qulap ketkenin habarlady. Ártúrli jaraqattarmen jumysshy birinshi qalalyq aýrýhanaǵa polıtravma bólimine jetkizildi.
