Álem • 28 Qyrkúıek, 2021

Japonııa tótenshe jaǵdaı rejımin alyp tastady

260 ret

kórsetildi

1 mın

oqý úshin

Sarapshylar komıtetiniń otyrysy kezinde Japonııa Premer-Mınıstri Esıhıde Sýga koronavırsqa baılanysty 30 qyrkúıekke deıin qoldanysta bolǵan tótenshe jaǵdaı rejımi tolyq joıylǵanyn resmı túrde málimdedi, dep habarlaıdy Egemen.kz.

Gaýhar QAPASh

Japonııa tótenshe jaǵdaı rejımin alyp tastady

Qazirgi ýaqytta tótenshe jaǵdaı rejımi 47 prefektýranyń 19-yna qoıylǵan: Hokkaıdo, Gıfý, Aıtı, Mıe, Sıga, Hırosıma, Tokıo, Kanagava, Tıba, Ibarakı, Totıgı, Gýmma, Saıtama, Sıdzýoka, Osaka, Kıoto, Hıogo, Fýkýoka, Okınava. Taǵy segiz prefektýraǵa koronavırýs boıynsha kúsheıtilgen rejım engizilgen.

«Vaksınasııa naýqany, sondaı-aq antıdenelerden turatyn preparatty qoldaný jalǵasyp jatyr, bul jańa ınfeksııa juqtyrý jaǵdaıynda da turǵyndarǵa turaqty medısınalyq kómek kórsetýge múmkindik berdi», dep qosty Sýga.

Tótenshe jaǵdaı rejıminiń joıylýyna qaramastan, jeńildetý birtindep engiziledi dep boljanǵan. Bastapqyda bir aı ishinde iri is-sharalarǵa qatysýshylardyń barynsha ruqsat etilgen sany boıynsha shekteýdi 5 myń adamnan aspaıtyn nemese kórermenderdiń jalpy sanynyń 50 paıyzynan 10 myńǵa deıin nemese kórermenderdiń jalpy sanynyń 50 paıyzynan aspaıtyn mólsherde ulǵaıtýǵa ruqsat beriledi. Sonymen qatar vırýstyń taralýyn boldyrmaý jónindegi sharalarǵa qatysty rastaý rásiminen ótken mekemelerge keshki 9-ǵa deıin jumysyn jalǵastyrýǵa ruqsat beriledi. Qazir meıramhanalar, barlar men kafeler keshki segizge deıin jumys isteıdi.

Sońǵy alty aıda, 4 sáýirden bastap, tótenshe jaǵdaı rejımi nemese koronavırýsqa qarsy kúsheıtilgen sharalar rejımi Japonııanyń 47 prefektýrasynyń kem degende bireýine taraldy.