«Memleket Basshysy Qasym-Jomart Toqaev elimizdegi sportty damytý máselelerine erekshe kóńil bóledi. Onyń tikeleı tapsyrmasy boıynsha Úkimet sport, onyń ishinde buqaralyq sport salasyn damytý jóninde birqatar naqty sharalar qabyldaýda. Osyǵan baılanysty sizdermen birge úlken jumys atqaramyz dep úmittenemiz. Jyl sońyna deıin memleket Basshysynyń eń muqtaj qalalar men aýyldarda 100 sporttyq-saýyqtyrý keshenin salý boıynsha bastamasyn aıaqtaý josparlanýda», dedi QR Premer-Mınıstriniń orynbasary Eraly Toǵjanov.
Ol, sondaı-aq osy jumystyń nátıjeleri týraly aıtty.
«Bul júıeni iske asyrýdyń birinshi kezeńi ǵana 50 myń balany tegin úıirmeler men seksııalarmen qamtýǵa múmkindik berdi. 3,5 myń sport nusqaýshylaryn daıarlaý boıynsha jumystar júrgizilýde. Árbir aýyldyq okrýgtiń turǵyndary sportpen qamtylady. «Salamatty ult» ulttyq jobasy aıasynda 2025 jylǵa qaraı turaqty sportpen aınalysatyn azamattardyń sanyn 31%-dan 50%-ǵa deıin jetkizý josparlanýda», dedi Eraly Toǵjanov.
