Aımaqtar • 29 Qyrkúıek, 2021

Almaty oblysynda qýaty 50 MVt jel elektr stansasy salynýda

75 ret kórsetildi

Almaty oblysynda «jasyl» energetıkany odan ári damytýǵa jáne ózimizde óndiriletin elektr energııasy kólemin ulǵaıtýǵa yqpal etetin, qýaty 50 MVt bolatyn jel elektr stansasy salynýda. Nysan Sarqan aýdanynyń aýmaǵynda ornalasady, dep jazady Egemen.kz.

«Jalpy búgingi kúni Jetisý aımaǵynda jańartylǵan energııa kóziniń 31 nysany bar, olardyń jalpy qýaty – 317,67 MVt, sonyń 18-i – sý elektr stansasy, 7-i – jel elektr stansasy, 6-y – kún elektr stansasy. Oblystyń elektr tutyný qajettiligi 589,48 MVt, sonyń 382 MVt ózimizde óndiriledi, onyń 72 MVt-y jańartylǵan energııa kózderiniń úlesinde», dep habarlaıdy Almaty oblysy ákiminiń baspasóz qyzmeti.


Sarqan aýdandyq ákimdiginiń málimetine qaraǵanda Lepsi óńirindegi JES – qazirgi kezde aýdan aýmaǵynda iske asyrylyp jatqan iri ınvestısııalyq jobalardyń biri. «Abaı-2 JES» JShS ókilderi qurylys jumystaryn 2019 jyldan bastaǵan, 2022 jyly aıaqtalady dep josparlap otyr.

Mańyzdy nysanǵa eń aldymen jol tartyldy, qazir mamandar qondyrǵylardyń irgetasyn quıýda. Qurylys alańynda 100-ge tarta adam jumys isteıdi.


«Bul - qýaty 50 MVt-tan asatyn jańa JES. Jyl sońyna deıin alǵashqy 6 jel qondyrǵysy ornatylyp, iske qosylady», dedi aýdan ákimi Talǵat Qaınarbekov.


Atap ótsek, JES Lepsi aýylynan 80 shaqyrym jerdegi jazyqta ornalasqan. Onda árqaısynyń qýaty 3,2 MVt bolatyn 16 jel qondyrǵysy bolady, baǵanalardyń bıiktigi 100 metrge, jel dóńgelekteri qalaqtarynyń bıiktigi 70 metrge jetedi. Nysannyń salynýy arqasynda aýdanǵa 19,3 mlrd. teńge ınvestısııa tartyldy.


Jalpy 2021-2025 jyldary iske qosylýy tıis Almaty oblysyndaǵy jańartylǵan energııa kózderi nysandarynyń tizbesine jalpy qýaty 424 MVt bolatyn 27 joba kiredi (GES – 15, JES – 9, KES - 1, BIOES - 2). Bul jobalardy iske asyrý aımaqtyń ózi óndiretin jańartylǵan energııa kózderiniń úlesin 2025 jylǵa qaraı 42%-ke deıin arttyrady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar