Aımaqtar • 30 Qyrkúıek, 2021

Túrik ınvestorlary Almaty oblysynda 3 jobany iske qosty

107 ret kórsetildi

Almaty oblysynda túrik ınvestorlarynyń qatysýymen úsh kásiporynnyń ashylý saltanaty ótti. Saltanatty sharaǵa Qazaqstan QR Syrtqy ister Mınıstriniń orynbasary Almas Aıdarov, QR Túrkııadaǵy Elshisi Abzal Saparbekuly, Almaty oblysy ákiminiń orynbasary Serik Turdalıev jáne t.b. qatysty, dep jazady Egemen.kz.

Gaz jáne elektr plıtalaryn óndirýdi uıymdastyrý boıynsha alǵashqy jobany «Almaty Turmystyq Tehnika Zavody» JShS-men birlesip Túrkııanyń jetekshi kompanııalarynyń biri «Femas Metal Sanayi ve Ticaret A. S» iske asyrdy. Quny $7 mln bolatyn joba 200-ge deıin jańa jumys oryndaryn qurýǵa múmkindik beredi dep josparlanýda. Jobanyń jyl saıynǵy óndiristik qýaty 200 000 plıtany quraıtyn bolady. Aıta ketý kerek, Femas Metal zaýyty 40 jyldan astam tájirıbesi bar Túrkııadaǵy gaz jáne elektr turmystyq tehnıkasyn óndirý boıynsha kóshbasshylardyń biri bolyp tabylady, kompanııa óz ónimin 6 kontınenttegi 130 elde shyǵarady.

1

«Biz árbir túrik kompanııasymen yntymaqtastyǵymyzdy baǵalaımyz jáne eki el ıgiligi úshin ekijaqty seriktestik áleýetin damytýǵa daıynbyz. Qazaqstan aýmaǵynda túrik jobalaryn iske asyrý kadrlardyń biliktiligin turaqty arttyrýǵa jáne tıimdi óndiristik tizbekti jónge salýǵa sózsiz yqpal etetinine senimdimin, bul óz kezeginde eldiń turaqty damýyna jańa ınvestısııalardyń kelýin yntalandyrady», dep atap ótti Almas Aıdarov.

Ekinshi jobanyń ınvestory túriktiń «Aysultan Candy» kompanııasy atynan «Iаkar» JShS boldy. Jobanyń quny shamamen $3 mln. Osy joba aıasynda jylyna 6 000 tonna ónim, onyń ishinde 2 400 tonna shokolad, sondaı-aq 3 600 tonna lolıpop shyǵarý josparlanýda, bul jumys oryndaryn 90 adamǵa deıin arttyrady.

1

«Búginde túrkııalyq ınvestorlardyń qatysýymen Qazaqstanda 50-den astam ınvestısııalyq jobalar tabysty júzege asty. Ashylǵaly otyrǵan zaýyt bıyl Qazaqstanda ashylyp otyrǵan úshinshi kásiporyn. Bul Túrkııanyń elimizdiń táýelsizdik mereıtoıyna oraı jasaǵan erekshe syıy dep qabyldaımyz. Zaýyt elimizdiń, sonyń ishinde Almaty oblysy ekonomıkasynyń odan ári damýyna zor úles qosatyndyǵyna senimdimin», dep atap ótti QR Túrkııadaǵy  elshisi Abzal Saparbekuly.

Aıta keteıik, «Iаkar» JShS Qazaqstandaǵy, sondaı-aq Orta Azııadaǵy kondıterlik ónimderdiń iri óndirýshileriniń biri. Búgingi tańda kásiporynnyń assortıment qorjynyna karamel kámpıtteri, shokolad kámpıtteri, draje (jerjańǵaq) jáne t. b. sııaqty kondıterlik ónimder kiredi.

Kelesi joba - VOKS Otomotiv Kapi Sistemleri túrik kompanııasynyń avtomatty qaqpalar óndirisin qurý jobasy. Jobanyń bastapqy kezeńdegi quny $1 mln.  Kompanııa seksııalyq esik júıeleri, PVH-brezentten jasalǵan esik júıeleri, tıeý rampalary júıeleri, sondaı-aq tıeý sılfondyq júıeler sııaqty ónimderdi úzdiksiz óndirýdi jáne olarǵa qyzmet kórsetýdi qamtamasyz etedi.

Osy jobalardy iske asyrý sheńberinde túrik seriktesterine jan-jaqty kómekti QR SIM, Qazaqstannyń Túrkııadaǵy Elshiligi, «KAZAKH INVEST» UK» AQ jáne jergilikti atqarýshy organdar kórsetti.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar