Álem • 01 Qazan, 2021

EHRO-2020 DUBAI: Qazaqstan pavılonynyń quny qansha?

183 ret kórsetildi

EHRO-2020 DUBAI kórmesindegi Qazaqstan ulttyq pavılonynyń qurylysyna shamamen 8 mlrd teńge jumsaldy. Bul týraly QazExpoCongress ulttyq kompanııasynyń basqarma tóraǵasy, EHRO-2020 kórmesindegi Qazaqstan seksııasynyń bas komıssary Allen Shaıjúnisov málimdedi, dep habarlaıdy Egemen.kz.

– Pavılonnyń qurylysyna qajetti 8 mlrd teńge úsh jyl buryn memlekettik bıýdjetten bólingen bolatyn. Atalǵan soma 2015 jyly Mılanda uıymdastyrylǵan kórmedegi pavılon qurylysyna jumsalǵan qarjydan shamaly kópteý. Onyń da ózindik sebepteri bar. О́ıtkeni, eki pavılonnyń kólemi ártúrli. Qazaqstan Mılandaǵy kórmede 2 000 sharshy metrlik pavılon ornatsa, bul jolǵy pavılon 3 400 sharshy metr aýmaqty alyp jatyr, – dedi Allen Shaıjúnisov.

Ol EHRO-2020 DUBAI kórmesindegi pavılondardyń qunyna qatysty zertteý júrgizilgenin aıtty. Máselen, Belarýs memleketi 2 myń sharshy metrlik pavılonǵa 20 mln AQSh dollaryn jumsaǵan. Al pavılonynyń kólemi 4 myń sharshy metrden asatyn Reseı sekildi memleketter 40 mln-nan astam dollar/eýro shyǵyndaǵan.

– Bizdiń pavılon óte jaqsy jerde ornalasqan. Qazaqstan men AQSh-tyń pavılony qatar tur. Birikken Arab Ámirlikteriniń, Saýd Arabııasynyń, Italııanyń, Qytaıdyń, ózge de alpaýyt memleketterdiń pavılony qol sozym jerde. Qarqyndy damý jolyna túsken Qazaqstannyń kórmede sátti orynǵa ıe bolýynyń ózi úlken jetistik ári múmkindik, – deıdi A.Shaıjúnisov.

 

Dýbaı, Birikken Arab Ámirlikteri

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar