08 Aqpan, 2014

Jarqyn bolashaq bastaýy

170 ret kórsetildi
Keshe ǵana tabaldyryǵymyzdy attap, tórge ozǵan, qoıny-qonyshy qutqa toly Jylqy jylynyń eń basty jaqsy jańalyǵy, aıtýly oqıǵasy, tartý-taralǵysy – Elbasynyń Qazaqstan halqyna dástúrli Joldaýy boldy. Bul Joldaý burynǵy joldaýlardan ózgerek. Birinshiden, «Qazaqstan-2050» Stra­tegııasynyń basym baǵyttaryn barynsha naqtylap jáne bir súzgiden ótkizip, mıllıondaǵan júrekterge senim uıalatyp, tyń serpin berdi. Keleshegimizdiń kemel, bolashaǵymyzdyń baıandy bolýyn qamtamasyz etetin tarıhı qujattyń kúsh-qýatyn búkil álemge pash etti. Ekinshiden, «Máńgilik El» ulttyq ıdeıasy jarııa etildi. Aıtyńyzshy, Máń­gilik El bolýdy armandamaıtyn el bar ma, ózi. Endeshe, úmiti úkili, peıili aq, nıeti taza, armany asyl, qııaly asqaq Qa­zaq Eli –  Máńgilik El bolýǵa ábden laı­­yq. Sonymen birge, kóptiń kóńi­lin kúpti etip júrgen osy bir kúr­de­li má­se­le­niń túıini tarqatylyp, tarıh paraǵy­nyń jańa  betteri ashyldy. En­di Qazaq eli osy ıdeıanyń tóńiregine  judy­ryqtaı ju­my­lyp, yntymaq pen birlik týyn bıik usta­nyp, álemdik báıgede at ozdyratyn boldy. Joldaýda el taǵdyryna, ult bo­la­shaǵyna, memleket mereıine qatysty tolyqqandy tarazylanǵan tyń oılardyń tizbegi táptishtelip aıtylǵan. Kózden tasa, kóńilden tys, oıdan jyraq bir­de-bir másele qalmaǵan, bári-bári tap-tuınaqtaı qamtylǵan. Ásirese, el damýynyń lokomotıvi – ınnovasııalyq-ındýstrııalyq jobalardyń iske asyrylýy, bilim men  ǵylym, medısına men áleýmettik salanyń áleýeti, aýyl­sharýashylyǵy men ónerkásiptiń órken jaıýy jáne de ómirlik mańyzy bar basqa da máselelerdiń baǵyt-baǵdary naqty  aıqyndalǵan. Men ózim kásipker bolǵandyqtan, Joldaýda aıtylǵan kásipkerler týraly taǵylymdy oılarǵa, salıqaly sózderge  asa mán berdim. Elimizde 800 myńdaı shaǵyn jáne orta bıznes  oshaqtary  2,5 mln. adamdy jumyspen qamtyp, el ekonomıkasynyń órkendeýine súbeli úles qosyp keledi. Elbasy óz Jol­daýynda: «Memlekettiń eń basty tetigi – qazaqstandyq shaǵyn jáne orta bıznestiń damýyna barlyq jaǵdaı týǵyzý kerek», dep jáne bir ret qadap aıtty. Aıtsa aıtqandaı-aq, Elbasy bıznestiń alǵashqy aıaq alysynan bastap osy kúnge deıingi qadamdaryn bir sát te kózden tasa, oıdan jyraq qaldyryp kórgen emes. Biz, kásipkerler Prezıdenttiń qamqor peıiline dán rızamyz hám qaryzdarmyz. Bıznestiń órkendeýi – eldiń kórkeıip, órkendeýi dep bilemiz. О́tken jyldyń jeltoqsan aıynda ásem Astananyń Táýelsizdik saraıynda ótken «Indýstrııalandyrý kúni» forýmyna qatysyp, Prezıdentti kózben kórip, aıtqan sózderin óz qulaǵymmen tyńdaǵan edim. Elbasy sózine elitip, boıymdy maqtanysh sezimi kernegenin qalaı jasyraıyn. Sol jıynda el Prezıdenti: «Shaǵyn jáne orta bıznes ıeleriniń qaltasyna qol suqqan sheneýnik  jemqor ǵana emes, ol el bolashaǵynyń eń qaýipti jaýy», dep atap kórsetken bolatyn. Iá,  ókinishke qaraı, kásipkerlerge ke­der­gi keltirýshiler áli kúnge joq emes. Degenmen, Prezıdenttiń bıznes ókilde­ri­ne degen shynaıy qamqorlyǵy men yqyla­synyń arqasynda bıznestiń baǵy jana­tynyna, ómirde óz ornyn oıyp turyp alatynyna kámil senemin. Elbasynyń Qazaqstan halqyna Jol­daýy – uly murattardy arqalap, ult­tyq sanany serpiltip, tańbaly tarıhy­myzdyń tórinen oryn aldy. Bıylǵy Joldaý – HHI ǵasyrdyń birinshi jarty­synda Qazaq eliniń júrip ótetin qıyn da syndarly jolyn, baǵyt-baǵdaryn aı­qyn­dap berdi. Bıylǵy Joldaý – eli súı­gen, elin súıgen Elbasynyń kóre­gen­di­gin, sarabdal saıasat ıesi ekenin kórsetti. Eń bastysy, bıylǵy Joldaý árbir azamattyń el men jer taǵdyryna beı-jaı qaramaı,  Qazaqstannyń bolashaǵyna aıanbaı eńbek etýge shaqyrdy. Baýyrjan OŃǴARBAEV, kásipker, «Alpamys batyr» qoǵamdyq qorynyń prezıdenti. Ońtústik Qazaqstan oblysy, Maqtaaral aýdany
Sońǵy jańalyqtar

Uqsas jańalyqtar