Qoǵam • 05 Qazan, 2021

Áleýmettik qoldaý jaqsarady

48 ret kórsetildi

Eńbek jáne halyqty áleýmettik qorǵaý vıse-mınıstri Erlan Áýkenov Prezıdent janyndaǵy Ortalyq kommýnıkasııalar qyzmetinde ótken brıfıngte Senat qabyldaǵan «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zańda kózdelgen áleýmettik qamsyzdandyrý júıesindegi jańalyqtar týraly aıtty.

Vıse-mınıstr bul zań mú­ge­dektigi bar adamdardyń quqyq­taryn qamtamasyz etý jáne tur­mys sapasyn jaqsartý jó­nindegi 2025 jylǵa deıingi ult­tyq jospardy oryndaý sheń­be­rinde múgedektigi bar adamdar, múgedektigi bar balalardy tár­­bıelep otyrǵan otbasylar, eń­bek ardagerleri jáne ózge de sa­nat­tardy qosa alǵanda, aza­mat­tardyń jekelegen sanat­taryn áleýmettik qorǵaý máse­leleri jó­nindegi zańnamany je­til­dirý maq­satynda ázirlengenin atap ótti.

E.Áýkenovtiń aıtýynsha, qu­jatta múgedektiktiń sebe­bine qaramastan, I toptaǵy múge­dek­tigi bar adamdarǵa kútim ja­saı­tyn azamattarǵa beriletin jár­demaqyny engizý qarastyrylǵan.

«Qazirgi ýaqytta I toptaǵy múge­dektigi bar 66 myń adamnyń árbir úshinshisi kútim járdem­aqysymen de, jeke kómek­shiniń qyzmetterimen de qam­tamasyz etilmegen. Zańdy qabyl­daý nátıjesinde syrtqy qam­qor­lyqqa muqtaj 24 myń adam kútim boıynsha járdemaqymen qosymsha qamtylady», dedi vıse-mınıstr.

Bala densaýlyǵynyń buzylý jáne tirshilik áreketiniń shektelý dárejesin eskere otyryp, zańda 7 jastan 16 jasqa deıingi balalardy múgedektik toptary boıynsha bólý kózdeledi. Bul shara kórsetiletin ońaltý is-sharalary men áleýmettik kó­­mekti, onyń ishinde balalar aý­­­rýynyń dárejesine qaraı jár­­dem­­aqylardyń mólsheri bóli­­ginde saralaýǵa múmkindik beredi.

Bul rette múgedektigi bar balalardyń barlyq toptary úshin járdemaqy mólsheri 16,7%-dan 37%-ǵa deıin ulǵaıtylady. Bul shara 30 myńnan astam mú­ge­dek­tigi bar balaǵa qatysty bolady.

Sondaı-aq zańda múgedektik jáne asyraýshydan aıyrylý jaǵdaıy boıynsha járdem­aqylardy bir mezgilde alý qu­qy­ǵyn berý kózdeledi. Bul asyraýshysynan aıyrylǵan jáne quramynda múgedektigi bar balalary bar otbasylardyń tabys deńgeıin arttyrýǵa múmkindik beredi.

«Qazirgi ýaqytta múgedektigi bar balalar ata-analary ajy­ras­qan kezde bir mezgilde alımentter men múgedektigi boıyn­sha járdemaqy ala alady.Son­daı-aq ata-anasynyń bireýi nemese ekeýi (asyraýshysy) qaıtys bolǵan jaǵdaıda, bala múgedektigi bo­ıynsha járdemaqy nemese asyraýshysynan aıyrylý boıynsha járdemaqy ala alady. Osy norma engizilgen jaǵ­daıda 2 myń bala múgedektigi bo­ıynsha járdemaqymen qatar (mólsheri 41 163-ten 48 023 teń­gege deıin) asyraýshysynan aıyrylý jaǵdaıy boıynsha jár­demaqyny ala alady (mól­sheri 12 063-ten 29 500 teńge­ge deıin)», dep túsindirdi E.Áý­kenov.

Jumys berýshiniń mindet­te­melerin oryndaý múmkin bol­ma­ǵan jaǵdaıda, eńbek jaraqa­tynan múgedek bolǵan adamdardy memleket esebinen ońaltýdyń tehnıkalyq quraldarymen (budan ári – OTQ) jáne qyz­met­terimen qamtamasyz etý zańnyń taǵy bir jańashyldyǵy bolyp sanalady.

Qazirgi ýaqytta jumys be­rýshi – jeke kásipkerdiń qyzmeti toq­­tatylǵan nemese zańdy tulǵa taratylǵan jaǵdaıda bul min­dettemeler memleketke ótedi. Bul rette múgedektigi bar aza­mat­tar kásiporynnyń qyzmeti ýaqytsha toqtatylǵan (áreket­sizdik) kezeńinde nemese 1,5 jyl­ǵa deıin sozylýy múmkin ban­krottyq rásimderin júrgizý kezinde OTQ alý múmkindiginen aıyry­lady. Osy kezeńde óndi­ris­te múgedektik alǵan adam ońal­týdyń tehnıkalyq quralda­rynsyz qalady. Bul shara 2 myń­ǵa jýyq adamdy ońaltýdyń teh­nıkalyq quraldarymen jáne qyz­metterimen ýaqtyly qamtýǵa múmkindik beredi.

Sonymen qatar qujatta múgedektigi bar balalardy tár­bıelep otyrǵan otbasylardyń balalary kámeletke tolǵannan keıin turǵyn úı kezeginde turý quqyǵyn saqtaý kózdeledi.

«Is júzinde mundaı otbasylar turǵyn úı kezeginde 10 jyl­ǵa deıin turady. Eger bala 18 jasqa tolǵanǵa deıin turǵyn úı alý múmkin bolmasa, onda múge­dektigi bar azamat kezekke qaıta turýǵa májbúr. Bul norma 20 myńnan astam otbasyna turǵyn úı kezegin saqtaýǵa múmkindik beredi dep boljanýda», dep atap ótti vıse-mınıstr.

Budan basqa, zańda múge­dektigi bar balaǵa kútim jasaý kezeńin 18 jasqa deıin uzartý kóz­delgen. Bul jasyna baılanysty zeınetaqy tólemderi men bazalyq zeınetaqyny taǵaıyndaýǵa oń áserin tıgizedi.

Sondaı-aq tabysy az otba­sylardyń balalaryna kepil­dik beril­gen áleýmettik top­ta­ma berýdi Áleýmettik qyz­met­ter por­ta­lyna aýystyrý qaras­ty­rylǵan.

Arnaýly áleýmettik qyz­met­ter kórsetýdiń tıimdiligi men ataý­lylyǵyn arttyrýǵa baǵyt­talǵan ózge de normalar qosym­sha engizildi.

Sóz sońynda E.Áýkenov bul zań halyqty áleýmettik qor­ǵaý júıesine oń áser etetinin já­ne shamamen 400 myń qazaq­stan­dyqtyń quqyqtaryn jaqsartýǵa múmkindik beretinin atap ótti.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar