Álem • 05 Qazan, 2021

Aljır Fransııany aıyptady

48 ret kórsetildi

Aljır óziniń burynǵy otarlyq bıleýshisi – Fransııany genosıd uıym­dastyrdy dep aıyptap, Fran­­sııa prezıdenti Emmanýel Mak­ron­­nyń negizsiz pikiri úshin Parıj­degi elshisin elge qaıtaryp aldy.

Sonymen qatar, Aljır úkimeti Fransýz áskerı ushaqtaryna áýe keńistiginen ótýge tyıym saldy. Fransııa ushaqtary Batys Afrıkadaǵy Sahel aýdanynda qarýly toppen kúresip jatqan áskerine barý úshin Aljır aýmaǵy arqyly ushatyn. Fransýz áskeriniń ókili polkovnık Paskal Iаnnı «Búgingi ushý josparymyzdy habarlaǵanda aljırlikterdiń óz aýmaǵynan ushýǵa tyıym salǵanyn bildik», dedi. Alaıda Aljır úkimeti jańa erejege qatysty túsinikteme bergen joq. Al Fransııanyń otar elderge qatysty qylmysyn adamzatqa jasalǵan qastandyq jáne genosıd dep taný kerektigi týraly oıyn ashyq bildirdi.

Fransııanyń iri basylymdarynyń biri – Le Monde prezıdent E.Makronnyń Aljırge qatysty synı pikirin jarııalady. Onda saıasatker «Aljırdiń basqarý júıesi – áskerı-saıası júıe. Al eldiń resmı tarıhy tolyqtaı qaıta jazylǵan. Ol shyndyqqa negizdelmegen. Bul tolyqtaı Fransııany jek kórýdiń negizinde jazylǵan», depti Emmanýel Makron. Basylym prezıdenttiń oıy túgel halyqqa emes, bılik basyndaǵy saıası elıtaǵa qatysty ekenin eskertip jazǵan.

Aljır bıligi Parıjdegi elshisin qaıtarýǵa Makronnyń naqty qaı aıyby sebep bolǵanyn naqty aıtpady. Oǵan qosa, Makron Aljır Fransııadan 1962 jyly ǵana táýelsizdik alǵanyn, sondyqtan aljır degen ulttyń Fransııa kolonııasyna deıin bolǵany kúmándi ekenin de aıtqan. Aljır úkimeti bolsa, bul málimdeme shekten shyǵý ekenin málimdegen. Al Aljır bıligindegi basqarýshy elıtanyń kóbi eldi Fransııadan azat etý soǵysynyń ardagerleri ekeni belgili.

«Makronnyń saılaýaldy naýqanynda ońshyl­dardyń qoldaýyn tapqysy keletini jáne sol jolda barlyq quralǵa júginetini aıdan anyq. Olardyń biri Aljır tarıhyn kelemejdep, qaralaý ekeni de belgili. Biz úshin bul áreket – bassyzdyq», dedi eks-mınıstr Salah Abdelkrım.

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar