Qoǵam • 05 Qazan, 2021

Qarttarǵa kómekteseıik!

788 ret kórsetildi

Ata-babadan jalǵasyp kele jatqan qazaq halqynyń ónegeli qasıetiniń biri – qarııasyn qurmetteý. «Qarty bar úıdiń qazynasy bar» dep beker aıtylmasa kerek. Qazaq halqy qashanda qarııasyna izet pen qurmet kórsetken. Deı turǵanmen, keıbir qarııalarymyzdyń syı-qurmetke bólenbeı, úı sharýasyn jalǵyz ózi atqaryp júrgeni qynjyltady.

Qazan aıynyń birinshi juldyzy – Qarttar kúni. Qart dese, árkimniń kóz aldyna aq jaýlyqty áje men aqsaqal qarııa elesteri anyq. Alaıda perzent ataýlynyń bári qazynalaryn qadirlep, qarttaryn alaqanda aıalap otyrmaǵany qynjyltady. Osyndaı kómekke muqtaj qarııalarǵa kómektesý úshin Túrkistan oblysy boıynsha QAJ departamentiniń bastamasymen «Qarttarǵa kómekteseıik!» aksııa­syn uıymdastyrý qolǵa alyndy. Túrkistan qalyq probasııa qyzmetiniń qyzmetkerleri Jumyspen qamtý jáne áleýmettik baǵdarlamalar bóliminiń Áleýmettik psıhologııalyq súıemeldeý sektorymen birlesip, qarttarǵa qoldaý kórsetý is-sharasy aıasynda jospar qurǵan bolatyn. Bul jospar boıynsha 1-10 qazan aralyǵynda jalǵyzbas­ty analardyń, múmkindigi shekteýli qart­tardyń úılerine tazalyq jáne sharýashylyq jumystaryna qolǵabys etý kózdelgen. Olardyń ishinde qol­daryna kúregi men sypyrǵysyn ustaǵan erikti jastar da bar.

– Búginnen bastap qalamyzda aksııa bastaldy. «Qarttarǵa kómekteseıik!» dep jalǵyzbasty qarttarymyzǵa jáne múgedek jandardyń úı sharýasy men qystyq otynyn jaryp berýdi josparlap otyrmyz. Aksııanyń basty maq­saty – kómekke muqtaj ata-ájelerimiz­diń úı sharýasyndaǵy jumystaryna kómektesý. Árıne, elimizde jalǵyzbasty qarııalardyń kóbeıip kele jatqany qynjyltady. Bul aksııa jylda óziniń jalǵasyn tabady dep úmittenemin, – dedi Túrkistan qalasyndaǵy probasııa qyzmetiniń ınspektor-psıhology, ádilet leıtenanty Aqmaral Bekbaı.

Úı sharýasyna kómek kórsetken probasııa qyzmetiniń qyzmetkerleri men eriktilerge qart ana óziniń alǵysyn bildirdi.

– Men osyndaı meırimdi jastardyń baryna qýanamyn. Búgin Qarttar kúninde úıge kelip quttyqtap, úı sharýasyna kómektesip, aýlamdy tazalap berdi. Jas­tarmen birge shaı iship, kóńilim kóteri­lip qaldy. Osyndaı aksııalar jıi uıymdas­tyrylyp tursa eken deımin. Elimizde kómekke muqtaj jandar bar. Jasymyz kelgenen keıin úı sharýasyna jaramaımyz. Al jeke úıimdi tastap kópqabatty úıge kóshe almaımyn, – dedi Túrkistan qalasynyń turǵyny Samal ájeı.

Atalǵan aksııany Túrkistan oblysy boıynsha QAJ departamentine qarasty Kentaý qalalyq probasııa qyz­meti jalǵastyrdy.

Qalalyq probasııa qyzmeti Jastar resýrstyq ortalyǵynyń eriktileri­men birlesip, Kentaý qalasynyń tur­ǵyny Núrııa ájeıdiń úı sharýasyna kómektesti. «Qystyń qamyn jaz oıla» demekshi, kún sýytyp, qar jaýyp ketpeı turyp otyn otap alýǵa jalǵyzbasty qart ananyń densaýlyǵy jaramady. Qart ananyń jaǵdaıyn túsingen probasııa qyzmeti oǵan qoldaý kórsetý maqsatynda óńirdegi eriktiler tobymen birlesip, qys mezgilinde peshke jaǵatyn otynyn jaryp, úıdiń aýlasyn tazartyp, qolqabys etti.

– Biz atalǵan is-sharaǵa tórt eriktini ertip bardyq. Sonymen qatar probasııa esebinde turǵan sottalǵandar da óz erikterimen baryp, qart anaǵa kómektesti. Atalǵan qaıyrymdylyq is-sharasyna probasııa esebinde turǵan azamattardy tartýdaǵy maqsaty­myz – olardy qoǵamǵa beıimdep, jaýap­kershilikti sezinýge shaqyrý. Osy oraıda áleýmettik kómek berýge ar­nalǵan usynysymyzdy óńirdegi Jas­tar resýrstyq ortalyǵynyń erik­tiler toby qoldady. Jalpy kómekke muqtaj azamattarǵa qolushyn sozý izgi istiń úlgisi dep bilemiz. Qalamyzdaǵy eriktiler tobymen birlesip kóptegen sharany uıymdastyrýdy josparlap otyrmyz, – deıdi Kentaý qalalyq probasııa qyzmeti bóliminiń ınspektory, ádilet aǵa leıtenanty Janádil О́teshov.

Qınalǵan kezinde qamqorlyqqa bólengen qart ana probasııa qyzmeti men eriktiler tobyna rızashylyǵyn bildirip, óziniń batasyn berdi.

– Bul úı – meniń baqytty kúnderimniń esteligi. Osy úıdiń aq bosaǵasyn attadym. Atańmen jarty ǵasyrǵa jýyq tatý-tátti ómir súrdik. Qazirgi tańda úıdiń aýyr jumysyn jasaýǵa densaýlyǵym jaramaıdy. Ásirese, qysqy otyndy jaryp, jınaý kezinde qatty qınalamyn. Sebebi qalamyzǵa áli kógildir otyn kelgen joq. Bizdiń úıimiz gazben qamtamasyz etil­gen kezde bulaı qınalmaıtyn shy­ǵarmyz. Kógil­dir otynnyń joqtyǵy, ásirese, men sekil­di qart kisilerge aýyr tıedi. Osyny eske­rip, úı sharýasyna qolushyn sozǵan Kentaý qalalyq probasııa qyzmetine alǵysymdy aıtamyn, – deıdi qala turǵyny Núrııa ájeı.

 

Raýshan NARBEK

Túrkistan oblysy

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar