Sharanyń resmı ashylý saltanaty 12 qazan, saǵat 17:00-de Aqtaý qalasyndaǵy 15-shaǵyn aýdanda ornalasqan «Amfıteatrda» uıymdastyrylady.
Oıyndarǵa Qazaqstannyń 14 oblysynan kelgen 2000-nan astam sportshy qatysady. О́ńir komandalary sporttyń 14 túrinen: teńge ilý, jamby atý, aýdaryspaq, qusbegilik, voleıbol, shaǵyn fýtbol, qazaq kúresi, toǵyzqumalaq, asyq atý, gir sporty, qol kúres, ústel tennısi, jazǵy prezıdenttik kópsaıys jáne kıkboksıngten júldege talasady.
«Halyq arasynda buqaralyq sportty nasıhattaý jáne sportqa degen turǵyndardyń qyzyǵýshylyǵyn arttyrýdy maqsat etken aýyl sporty oıyndary alǵash ret 2000 jyly Astana qalasynda ótkizildi. Osydan keıin «Aq bıdaı» oıyndaryn 2001 jyly Kókshetaý qalasy qabyldap, sporttyń 17 túrinen úzdikterdi anyqtady. 2002 jyly keshendi báseke Petropavlda ótip, sporttyń 19 túrinen júlde úlestirildi. Qazir «Aq bıdaı» Olımpıada júıesi boıynsha, ıaǵnı tórt jylda bir ret ótedi. Aldyńǵy, 2017 jylǵy jarystardy Aqtóbe oblysy qabyldaǵan», dep jazady Mádenıet jáne sport mınıstrligi.
