Medısına • 06 Qazan, 2021

Sábılerge saýlyq syılaǵan

125 ret kórsetildi

Bıylǵy «Qazaq­stan­­daǵy 100 jańa esim» jobasynyń «Medısına» atalymynda top jarǵan Latıf Parpıev bala­lar reabılıtology bolyp isteıdi. Ol Qoja Ahmet Iаsaýı atyn­daǵy Halyqaralyq qazaq-túrik ýnıver­sı­tetin 2013 jyly támamdap, keıin bili­min Astana medısınalyq ýnıver­sıtetinde onkoradıolog rezıdentýrasynda jalǵastyrady. 

Eńbek jolyn elordadaǵy Onko­logııa ortalyǵynda bastasa, ári qaraı balalardy ońaltý baǵytynda jumys istep kele jatyr. Buǵan qosa, Best for Kids qoǵamdyq qorynyń jáne «Darı dobro» basta­mashyl uıymynyń, son­daı-aq onko­lo­gııalyq dıagnozy bar balalarǵa kómek kórsetetin toptyń belsendi múshesi.

Reabılıtolog dáriger tirek-qı­myl júıesi buzylǵan balalarǵa jár­dem­desip, densaýlyqtaryn ońaltýǵa kómektesedi. Latıf Parpıev «Ata-ana­larǵa arnalǵan mektep» jáne «Reanı­masııa jáne ıntensıvti terapııa bólimi men jańa týǵan sábılerdiń patologııa bólimi jaǵdaıyndaǵy balalardy erte ońaltý» sekildi jobalardyń negizin qalady. Ekinshi jobaǵa reanımasııa men ıntensıvti terapııa kezindegi túr­li aýrýlardyń asqynýynyń aldyn alý sharalary engizilgen. Atalǵan bastamalardyń aıasynda dárigerler men medısınalyq qyzmetkerlerge, res­pýblıkanyń ártúrli qalalaryn­daǵy ata-analarǵa 15-ten astam medı­sınalyq master-klastar ótkizilgen. Igi bastama Qazaqstanda ǵa­na serpin alyp qoımaı, shetelderde de 10 myń­nan astam balaǵa em-dom jasaldy. Budan bó­lek, Latıf Parpıev otandyq reabılıtolog-dárigerlermen birge koronavırýs indetimen aýyr­ǵan naýqas­tardyń den­saýlyǵyn qalpyna kel­tirý úshin birneshe ta­nymdyq beınesabaq tú­sirip, qamkóńil jandarǵa qolushyn soza bildi.

Oǵan qosa, jas dáriger nevro­lo­­gııalyq, ortopedııalyq, travma­to­logııalyq, onkologııalyq jáne jú­rek qan-tamyr júıesindegi opera­sııadan keıin eresekter men bala­lar­dyń densaýlyǵyn ońaltý prosedý­ralarymen aınalysady. Onyń ne­gizgi mindetterine emdik dene massajy, logopedııalyq massaj, dene shy­nyqtyrý, sonymen qatar dene bitimi ózgergen naýqastarǵa em taǵaıyndaý jatady. Aq halatty abzal jan jumys ýaqytynda tirek-qımyl júıesi buzyl­ǵan balalarǵa kómektesse, bos ýaqy­tynda shala týǵan nárestelerge arnaıy kıim toqyp taratady.

Statıstıkalyq zertteýler boıyn­sha elimizde jyl saıyn myńdaǵan náreste shala dúnıege kelip, salmaǵy 1 000 gram­nan tómen bolady eken. Dárigerdiń jún­nen toqyǵan kıimderi balalardyń júı­ke talshyqtaryn oıatyp, olardyń den­saý­lyǵy tez oń­alyp ketýine septigin tı­gi­zedi. Sony­men birge ol kúnine 2 jas­qa deıingi sábıler men odan joǵary jas­taǵy sko­lıoz dertine shaldyqqan 15-ke jýyq naý­qasty qabyldaıdy. Taǵy bir aıta keterligi, aýyr jaǵdaıda jat­qan sábıler bolsa, jansaqtaý bólimine baryp kómektesip qaıtady eken.

Ýaqytynyń tyǵyzdyǵyna qara­mastan, tańerteń balalarǵa bulshyq et jattyǵýy men gımnastıka jasatsa, tústen keıin konsýltasııa ótkizedi. Latıf Parpıevke respýblıkanyń túkpir-túkpirinen naýqastardyń ata-analary habarlasyp, Instagram jáne WhatsApp jelilerinde keńes suraıdy. Pandemııa bastalmaı turyp, oǵan alys-jaqyn shetelderden, ásirese Reseı men Ýkraınadan emdelýshi naýqastar kóp kelgen. Alaıda indet etek jaıa bastaǵannan keıin emdik is-sharalary keıinge shegerilgen.

Latıf Parpıev sekildi aýyr hal­degi balalardy, onyń ishinde 2 jas­qa deıingi sábılerdi emdeıtin reabı­lıtolog-dárigerler saýsaqpen sa­nar­lyq. Sondyqtan janyńa medeý, den­saýlyǵyńa demeý bolatyn dári­gerlerdiń qatary kóbeıe bersin.

 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar