Shara Memleket basshysynyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý aıasynda boldy.
Aqparat jáne qoǵamdyq damý vıse-mınıstri Asqar Ýmarov Jumys tobynyń múshelerin Tujyrymdamany jańartý boıynsha jumystyń mańyzdy baǵyttarymen tanystyrdy.
«Tujyrymdama Memleket basshysynyń áıelderdiń qoǵamdaǵy ekonomıkalyq jáne saıası ustanymdaryn qoldaýdy qamtamasyz etý boıynsha tapsyrmasy, Jalpyulttyq basymdyqtar, Memlekettik josparlaýdyń jańa júıesi, sondaı-aq otbasynyń ómir súrý sapasyn arttyrý, ana men balany qorǵaý jónindegi jahandyq trendter men tendensııalar eskerile otyryp, jańartylatyn bolady», dedi Asqar Ýmarov.
Otyrys barsynda Jumys tobynyń músheleri Qazaqstan Respýblıkasyndaǵy otbasylyq jáne genderlik saıasattyń aldaǵy damý máselelerin talqylady jáne Qazaqstan Respýblıkasyndaǵy otbasylyq jáne genderlik saıasat tujyrymdamasyn jańartýda eskeriletin birqatar konstrýktıvti usynystardy engizdi.
«Halyq únine qulaq asatyn memleket» prınsıpin júzege asyrý maqsatynda Jumys tobynyń qyzmeti ashyq, transparentti túrde bolatyndyǵyn, BAQ jáne áleýmettik jelilerde jarııalanatyndyǵyn atap ótken jón.
Jumys tobynyń otyrysyna QR Parlament depýtattary, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń músheleri, ǵylymı-akademııalyq salanyń, úkimettik emes, halyqaralyq uıymdardyń jáne múddeli memlekettik organdardyń ókilderi jáne sarapshylar qatysty.
