Baıanaýyl aýdanynda Egindibulaq aýylyn qar basyp qalǵan. Jergilikti turǵyn Maııa Manasheva qar basqan aýlasyn vıdeoǵa túsirip, týystaryna jibergen. Keıin vıdeo áleýmettik jelilerde paıda boldy. Onyń artynan jelide áıel adamnyń keshirim suraǵany túsirilgen taǵy bir vıdeo tarady.
Keıin aýdan ákimdiginde bolǵan jaǵdaıǵa qatysty túsinikteme berdi: aýyl ákimi Samat Ybyraev áıel adamǵa kómekke muqtajdyǵyn bilý úshin kelgen.
Ol aýdan ákiminiń áleýmettik jelilerdegi shaǵymdarǵa baılanysty áreket etý týraly tapsyrmasyn oryndaý úshin zeınetkerdi vıdeokameraǵa túsirgenin túsindirgen.
Maııa Manasheva shaǵymy joq, kómekke muqtaj emes ekenin, áleýmettik jelide vıdeony kimniń jarııalaǵanyn bilmeıtinin aıtty.
Al Baıanaýyl aýdanynyń ákimine qolastyndaǵy adamnyń áreketi úshin keshirim suraýǵa týra keldi.
QR Memlekettik qyzmet isteri agenttiginiń óńirlik departamentinde aýyl ákimine qatysty qyzmettik tergeý bastalǵany jaıly habarlady.
- Qazirgi ýaqytta aýyldyq okrýg ákimine qatysty tártiptik is qozǵaldy. Sol boıynsha qyzmettik tergeý júrgizetin bolamyz. Qyzmettik tergeý qorytyndysy boıynsha tıisti sheshim qabyldanady. Eger jaýapty adamnyń kinási rastalsa, ol tártiptik jaýapkershilikke tartylady. Tártiptik normalardy buzǵany úshin jasalǵan teris qylyqtyń aýyrlyǵyna baılanysty eskertýden bastap jumystan shyǵarýǵa deıin tártiptik jaýapkershilik kózdelgen, - dep naqtylady vedomstvoda.
