Saılaýaldy baǵdarlamanyń iske asyrylýy qalaı?

Baýyrjan Baıbek partııanyń saı­laýaldy baǵdarlamalarynyń Túr­kistan oblysynda iske asyrylý barysymen tanysty.

«Birneshe jyl buryn Tuńǵysh Prezıdent – Elbasy Nursultan Nazar­baevtyń Túrkistandy jańǵyrtý týraly qabyldaǵan sheshimi elimiz úshin ǵana emes, búkil túrki álemi úshin tarıhı oqıǵa boldy. Qysqa merzim ishinde rý­hanııatymyzdyń dińgegi bolǵan kóne de qasıetti qala qaıta túledi», dep atap ótti Baýyrjan Baıbek.

Onyń aıtýynsha, Memleket basshysy Qasym-Jomart Toqaev jarııa etken «О́zgerister joly: ár aza­mat­qa laıyqty ómir!» saılaýaldy baǵdar­la­masy aıasynda 2025 jylǵa deıin óńir­de kóptegen áleýmettik jáne máde­nı jobany júzege asyrý jospar­lanýda.

Oblysta 5 jylǵa josparlanǵan 1956 is-sharanyń 20%-dan astamy oryn­daldy. 364 myń sharshy metr tur­ǵyn úı, 15 jańa mektep, 8 mádenı ny­san salyndy. Jyl sońyna deıin 717 eldi meken sapaly aýyz sýǵa qol jet­kizedi, sondaı-aq óńirdiń taǵy 65 myń turǵyny tabıǵı gazben qamtamasyz etiledi.

2025 jylǵa deıin oblysta 66 den­saýlyq saqtaý nysanynyń qurylysy josparlanyp otyr. Baýyrjan Baıbek partııanyń saılaýaldy baǵdarlamasy aıasynda Túrkistanda salynǵan qa­lalyq ortalyq aýrýhanany aralady.

«Medısına qyzmetkerlerimen birge densaýlyq saqtaý salasyndaǵy ózekti máseleler, onyń ishinde óńir­lerde bilikti mamandardyń jetis­peý­shiligi máselesin talqyladyq. Bul máseleni sheshý úshin partııa naqty maqsattar qoıady. Atap aıtqanda, balalar dárigerlerin qosa alǵanda, arnaýly salaǵa mamandanǵan medısına qyzmetkerlerin daıarlaýǵa arnalǵan granttar sany artady. 2023 jylǵa qaraı dárigerlerdiń jalaqysy 2,5 esege kóbeıip, keminde 550 myń teńgeni, orta býyn medısınalyq qyzmetkerlerdiń jalaqysy keminde 190 myń teńgeni quraıdy. Tirek jáne seriktes aýyl­darda feldsherlik-akýsherlik pýnkt­ter men dárigerlik ambýlatorııa­lar ashylyp, jańǵyrtylady. Jalpy, barlyq kózderden densaýlyq saqtaýdy qarjylandyrý kólemi IJО́-niń 5%-yna deıin jetkiziletin bolady», dep jazdy ol Facebook-tegi paraqshasynda.

Sol kúni Baýyrjan Baıbek gol­lıvýdtyq Disney kınokompa­nııa­­synyń memlekettik tilge dýblıaj­dalǵan «Jan» mýltfılminiń kóp­balaly jáne az qamtylǵan otbasy balalaryna arnalǵan qaıyrymdylyq kórsetilimine bardy. Bul – «Bolashaq» baǵdarlamasy túlekteriniń joǵary ha­lyqaralyq standarttar boıyn­sha aǵylshyn tili­nen qazaq tiline dýblıajdaǵan 37 she­tel­dik kınokar­tınasynyń biri.

Nur Otan partııasy Tóraǵasynyń birinshi orynbasary atap ótkendeı, «Baqytty otbasy» jobasy aıasynda partııa daryndy balalardy anyqtaý jáne qoldaý jumystaryn kúsheıtedi, sporttyq seksııalar men balalar úıirmeleri ashylady. О́mirlik qıyn jaǵdaıǵa tap bolǵan otbasylarǵa kómek kórsetý úshin búkil el boıynsha 234 arnaıy ortalyq ashylady.

Túrkistan oblysyna sapar barysynda Baýyrjan Baıbek Jastar – Otanga! halyqaralyq jastar forýmyna qatysýshylarmen de kezdesti.

Partııa Tóraǵasynyń birinshi oryn­­basary Nur Otan-nyń saı­laýal­dy baǵdarlamasynyń Shym­kent qala­synda oryndalý barysymen de tanysty.

Fılıal tóraǵasy, Shymkenttiń ákimi Murat Áıtenovtiń málimdeýinshe, 9 aıda 2025 jylǵa deıin josparlanǵan 475 ındıkatordyń 23%-y oryndalǵan. Qalada 398 myń sharshy metr turǵyn úı, 5 medısınalyq mekeme men 115 sport alańy paıdalanýǵa berilgen. 250 myń adamdy úzdiksiz elektr qýatymen qamtamasyz etý maqsatynda «Bozaryq» elektr qosalqy stansasy salynǵan. Gaz taratý stansasynyń qurylysy aıaqtalýda, ol 5 shalǵaı eldi mekendi tabıǵı gazben qamtamasyz etetin bolady. 14 myńnan astam jańa jumys orny ashyldy.

«Memleket basshysy jarııa etken «О́zgerister joly: ár azamatqa laıyqty ómir!» saılaýaldy baǵdar­lamasy aıasynda bilim berý salasyna erekshe nazar aýdarylady. El kóle­minde 800 jańa mektep salý jáne 5 myń qoldanystaǵy mektepti jańǵyrtý josparlanǵan. Tikeleı Shymkentte taıaýdaǵy 5 jylda 66 mektep salý já­ne jóndeý josparlanǵan, bul rette 25 oqý orny bıyl salyndy. Sapar ba­ry­synda №79 jańa mektepte pedagog­ter ujymymen kezdestim. Memleket bas­shy­s­ynyń tapsyrmasymen bıyl muǵa­limderdiń jalaqysy 25%-ǵa ósti. Par­tııanyń saılaýaldy ýádelerin iske asyrý aıasynda pedagogterdiń eńbekaqysy 2024 jylǵa qaraı 2 ese kóbeıip, ortasha alǵanda 330 myń teńgeden asady», dep jazdy Baýyrjan Baıbek Facebook jelisindegi paraqshasynda.

Onyń aıtýynsha, partııa jastar men áıelder kásipkerligin qoldaýǵa erekshe nazar aýdarady. Sondyqtan ol Shymkentte kásipkerlikti jańadan bas­taýshylarǵa, eń aldymen jastar men áıelderge qoldaý kórsetetin onlaın-ortalyq ashqan «Bolashaq» baǵ­dar­lamasynyń túlekterimen kezdesti. Bolashaqtyqtar atap kórsetkendeı, IT jáne agrotehnologııa, arhıtektýra, dızaın jáne basqa da salalar boıynsha tegin keńes beriledi.

Sol kúni partııa Tóraǵasynyń birin­shi orynbasary Shymkent qala­synda, sondaı-aq Túrkistan jáne Qy­zyl­orda oblystarynda saılaýaldy ýádelerdiń iske asyrylý barysyn onlaın-formatta qarastyrdy. Baýyrjan Baıbek fılıaldar basshylyǵy men máslıhattardaǵy fraksııalardyń nazaryn jyl sońyna deıin oryndalmaı qalý qaýpi bar jekelegen tarmaqtarǵa jáne osy baǵyttaǵy jumystardy kúsheıtý qajettigine aýdardy.

«Elbasy 2019 jyly balalardyń ınternattarda ómir súrý jaǵdaılaryn jaqsartý boıynsha sharalar qa­byl­daýdy tapsyrǵan bolatyn. Memleket basshysy Qasym-Jomart Toqaev bıyl jyl basynda VII shaqyrylymdaǵy Parlamenttiń birinshi sessııasynyń ashylýynda balalardyń quqyǵyn qorǵaý máselesine erekshe nazar aýdarý mindetin qoıdy. Osy tapsyrmalardy oryndaý úshin balalardyń ınternattarda ómir súrý jaǵdaılaryna keshendi taldaý júrgizildi. Balalar quqyǵyn qorǵaý jónindegi keńestiń derekteri boıynsha, barlyq ınternatqa kúrdeli jáne aǵymdaǵy jóndeý júrgizilgen jalǵyz óńir – Pavlodar oblysy. Son­daı-aq Qostanaı oblysy da aldyń­ǵylardyń qatarynda. Bul rette, Qyzylorda, Mańǵystaý, sondaı-aq Almaty jáne Túrkistan oblystarynda ahýal qanaǵattanarlyqtaı emestigi baıqalady. Árbir balaǵa tolyqqandy jaǵdaıdy qamtamasyz etý – bizdiń saı­laýaldy baǵdarlamamyzdyń basym­dyqtarynyń biri. Sondyqtan bul másele kelesi aptada Partııalyq baqy­laý komıtetiniń qaraýyna usyny­lyp otyr», dep eskertti partııa Tóraǵa­synyń birinshi orynbasary.

Baýyrjan Baıbek óńirlik fraksııa­lar jumysyna jáne bıyl partııa­nyń Saıası keńesi Bıýrosynyń sheshi­mi­men engizilgen Nur Otan-nan saılan­ǵan barlyq deńgeıdegi máslıhat depý­tattarynyń jarııa reıtıngine jeke toqtaldy.

«Bul rette júıeli túrde reıtıngi tómen depýtattardyń tıimdiligi fı­lıaldardyń Saıası keńesteriniń otyrystarynda qaralyp, ol mandatty keri qaıtaryp alý jáne tıisti depýtattardy rotasııalaý úshin negiz bola alady. Bizdiń partııalyq kadrlyq rezervte 3,4 myńnan astam depýtattyqqa laıyqty úmitker bar. Tıisinshe, biz kórsetkishteri tómen depýtattardy olar­men almastyrýdy usynatyn bolamyz», dep atap ótti partııa Tór­aǵa­synyń birinshi orynbasary.