Onyń sózinshe, memlekettik bıýdjettiń shyǵystary 99,7%-ǵa, respýblıkalyq bıýdjettiń shyǵystary – 99,8%-ǵa, jergilikti bıýdjetterdiń shyǵystary 99,7%-ǵa atqaryldy.
О́tken jyldyń uqsas kezeńimen salystyrǵanda bıýdjetterdiń barlyq deńgeılerinde atqarylý paıyzy joǵary. Respýblıkalyq bıýdjet boıynsha somasy 11 trln teńgege shyǵystar júrgizildi. Atqarylmaý 19 mlrd teńgeni qurady, onyń ishinde 6 mlrd teńge - únemdeý. Igerilmegeni - 13 mlrd teńge, dep túsindirdi Jamaýbaev.
Qarjy mınıstri qaı mınıstrlikter qomaqty qarjyny ıgere almaı otyrǵanyn aıtty.
Igerilmeýdiń neǵurlym iri somalary mádenıet jáne sport, densaýlyq saqtaý, ádilet, sıfrlyq damý, ınnovasııalar jáne aeroǵarysh ónerkásibi mınıstrlikterinde qalyptasty. Igerilmeýdiń negizgi sebepteri: tólem naqty kórsetilgen qyzmet kólemi boıynsha júrgizilgen, oryndalǵan jumys aktileriniń, shot-faktýralardyń ýaqytyly usynylmaýy, qazynashylyq organdaryna tólem shottaryn kesh usyný, sotta memleket múddesin qorǵaý jónindegi talap-aryz jumystaryn júrgizý, dep aıtty Erulan Jamaýbaev Úkimette.
