Búginde óte mańyzdy máseleniń bir ushy jastardyń ajyrasýyna baılanysty bolyp otyr. О́ıtkeni otbasyn qurý, kópbalaly bolý - halyq sanyn kóbeıtýdiń negizi.
«2015 jyldan bastap 2019 jylǵa deıin 709,6 myń neke tirkelgen, al ajyrasqan otbasylardyń sany - 274,5 myń. Iаǵnı tirkelgen nekemen salystyrǵanda ajyrasýlar sany 35 paıyzdan 43 paıyzǵa deıin ósti. Keıingi 5 jylda kúnine 389 neke tirkelip, 150 otbasy ajyrasqan», dedi D.Myńbaı Májilis otyrysynda.
Onyń aıtýynsha, 2019 jyly 59 796 neke buzylǵan, ıaǵnı bir kúnde 164 otbasy ajyrasqan. Bıyl 120 myńǵa jýyq adam nekesin buzdy, onyń 60 myńnan astamy 18-35 jas aralyǵyndaǵy jastar. 30-34 jas aralyǵyndaǵylar kóp ajyrasady.
