Bul týraly Reuters agenttigi málimdedi.
Top quramynda AQSh jáne Qytaı, sondaı-aq 24 eldiń ǵalymdary bar. Olar qoǵamdyq keńesterdiń qysqa kezeńinen keıin resmı túrde rásimdeledi. Top Jańa qozdyrǵyshtardyń paıda bolýy boıynsha ǵylymı-keńes berý toby (SAGO) dep ataldy. Ǵalymdar koronavırýstyń shyǵý tegin zertteýmen qatar, bolashaqta órshýi múmkin vırýs oshaqtaryn anyqtaýmen aınalysady.
SAGO quramynda DDSU-nyń osynyń aldyndaǵy mıssııa músheleri de bolady, alaıda topta kóbine jańa ǵalymdar. Uıym ókilderiniń sózinshe, osy sala boıynsha mamandandyrylǵan 700-ge jýyq adam komanda quramynda bolýǵa ótinish tastaǵan. Olar eki jyl boıy eshqandaı aqysyz jumys isteıtin bolady.
DDSU jańa aýrýlar bóliminiń basshysy Marııa van Kerkhove top Qytaıda jáne basqa da elderde jańa mıssııalardy oryndaıdy dep úmittenip otyr.
