Qus ósirýshiler odaǵynyń prezıdenti Rýslan Sháripov «bulaı jalǵasa berse, fabrıkalar jabylyp tynady» deıdi. Búginde Aqmola, Almaty, Qaraǵandy, Aqtóbe, Atyraý oblystaryndaǵy qus fabrıkalary jaǵdaıynyń múshkil ekenin jetkizgen. Jem 3 ese qymbattady. Taýyq pen jumyrtqany naryqqa shyǵarý úshin dızel otyny jetpeı jatyr. Buǵan deıin qus ósirýshiler odaǵy azyq-túlik korporasııasynan jemdik qor qurýdy suraǵan edi. Aqsha bólingen, alaıda sharýalar qus azyǵyn satýǵa asyqpaıdy. Fabrıkalarǵa 650 mln tonna jemdik bıdaı qajet. Onyń ústine keı óńirlerde sýbsıdııa berý toqtatylǵan. Rýslan Sháripov buǵan bıýdjettiń tapshylyǵy jeleý etiletinin jetkizdi.
Aıta keteıik, onsyz da eki ese qysqarǵan sýbsıdııa kelesi jyly múlde toqtatylýy múmkin. Qazir qus ósirýshilerdi fýrajdy bıdaıdyń quny alańdatyp otyr. О́ıtkeni azyq pen tasymal aqysy jumyrtqa baǵasynyń 70 prosentin quraıdy. Demek, jyl sońyna deıin eldegi qus ónimi eki ese qymbattaýy múmkin. Tipti naryqty Reseıdiń arzan jumyrtqasy jaýlaýy yqtımal.
Rýslan Sháripov, Qus ósirýshiler odaǵynyń prezıdenti: - Sıyr men jylqy eti óte qymbat. Qarapaıym halyq jumyrtqany, qus etin jep otyr. Jem men sýbsıdııa máselesi sheshilmese olar da qymbattaıdy. Biz aldyńǵy jyly jemdik bıdaıdyń bir tonnasyn 45 myń teńgege alatynbyz. Qazir sharýalar 150 myń teńgege satyp otyr. Buǵan shamasy jetpegen aqmolalyq qus fabrıkasy jabylyp tyndy. Júz myń taýyq bosqa qyrylyp qaldy. Biz bıdaıdan basqasyn shetelden alamyz. Valıýta bolsa, kún saıyn qubylyp tur. Sharýalar jaǵdaıdy túsiner emes. Azyqty satpaı, baǵanyń ósýin kútip otyr. Aýyl sharýashylyǵy mınıstrine de talaı hat jazdyq. О́tinishimiz eskerilmeı jatyr. Jumyrtqaǵa beriletin sýbsıdııanyń múlde alynatyny aıtyldy.
Quzyrly mınıstrlik bul másele boıynsha jýrnalısterge jaýap daıyndap jatqanyn jetkizdi. Biz halyq pen bılik arasyndaǵy kópirmiz, ol túsinikti. Tek qus ósirýshilerdiń suraýy eskerile me? Ony ýaqyt kórsetedi.
