Depýtattardyń basym bóligi daýysqa salynǵan qujatqa qarsy shyqty.
Esterińizge salaıyq, Fransııada sosıalıst senatorlar COVID-19-ǵa qarsy vaksınalaýdy mindetti etýdi kózdegen. Tıisti zań parlamenttiń joǵarǵy palatasynda qaralýy tıis boldy. Alaıda sheneýnikterdiń kóbi turǵyndardy mindetteýdi jónsiz dep sanady. Aıtýynsha, onsyz da vaksına tólqujatynyń eńgizilýi arqyly elde ekpe egý naýqany bir izge qoıylǵan.
«Mindetti vaksınalaýǵa qarsymyz. Indettiń qaýiptiligi jaıyndaǵy aqparat jumysy oń nátıje berdi. Sońǵy aılarda otandastarymyz kóptep ekpe saldyra bastady», dedi Fransııanyń otbasy men balalyq shaq jónindegi memlekettik basqarmanyń hatshysy Adrıen Take.
Búginde Fransııa halqynyń 90 paıyzy egilgen. Dese de 65 jastan asqandardyń kóbi áli de vaksına qabyldamaǵan deıdi mamandar.
«Mindetti vaksınalaý usynysy tym keshikti dep esepteımin. Máselen, búginge deıin 12 jastan asqandardyń 85 paıyzy ekpe saldyrdy. Vaksınalaý naýqany karqyndy. Shyn máninde ekpe qabyldaýǵa qarsy bolyp otyrǵandar biren-saran ǵana», dedi Fransııa senatynyń depýtaty Veronık Gııoten.
