Elorda • 15 Qazan, 2021

Halyq sanaǵy: Elordada úılerdi jappaı aralaý júrip jatyr

78 ret kórsetildi

Nur-Sultanda 1 qazannan bastap ulttyq halyq sanaǵy aıasynda ıntervıýerlerdiń úılerdi jappaı aralaýy bastaldy, dep habarlaıdy Egemen.kz elorda ákimdiginiń resmı saıtyna silteme jasap.

Bul elimiz táýelsizdik alǵan sátten beri ótip jatqan úshinshi halyq sanaǵy. Bıyl alǵash ret sıfrlyq tehnologııalar qoldanylýda. 

Jappaı aralaý osy jyldyń 30 qazanyna deıin jalǵasady. Intervıýerler belgilengen merzimde sanaqtan ótpegen turǵyndardy onlaın rejımde qaıta jazatyn bolady. Osy is-sharaǵa 1,5 myńǵa jýyq ıntervıýer-esepteýish tartyldy. Olar úılerdi saǵat 9-dan 21:00-ge deıin aralaıdy.  

Dástúrli jappaı úı-úıdi aralaý kezeńinde buryn onlaın-sanaqtan ótken respondentter ekinshi ret qaıta jazylmaıdy. Olar ıntervıýerge sanaq ótkendigi týraly buryn alynǵan SMS-habarlamany nemese elektrondyq habarlamany kórsetýi tıis. 

Sanaq kezinde derekterdi jınaý úshin sáıkestendirý aqparaty retinde suraý salynǵan adamnyń JSN paıdalanylady. Bul derekterdiń qaıtalanýyna jol bermeıdi. Sondyqtan onlaın rejımde sanaqtan ótpegen respondentter ıntervıýerlerge ózderiniń JSN, sondaı-aq birge turatyn adamdardyń JSN usynýy jáne sanaq paraqtarynyń suraqtaryna jaýap berýi qajet. 

Úı-úıdi aralaý kezinde barlyq qaıta jazylǵan respondentterge ıntervıýerler sanaqtan ótkeni týraly anyqtamalar beredi, olardy osy is-shara aıaqtalǵanǵa deıin saqtaý qajet. Budan basqa, halyqtyń qamtylýyn jáne derekterdiń durystyǵyn tekserý maqsatynda 2021 jylǵy 1-7 qarasha aralyǵynda respondentterdiń 10%-na qorytyndy tekseris júrgiziledi. 

Halyq sanaǵynyń negizgi kezeńindegi ıntervıýerdiń syrtqy kelbeti: 

- fotosýreti bar beıdj, onda onyń tegi, aty, ákesiniń aty, berilgen kúni jáne qoldanylý merzimi, aýmaqtyq statıstıka bólimshesi basshysynyń móri men qoly kórsetiledi;

- logotıpi bar kók sharf;

- logotıpi bar kók tústi portfel;

- elektrondyq sanaq paraqtary bar planshet bolady. 

Sanıtarlyq-epıdemıologııalyq talaptardy saqtaý maqsatynda ıntervıýerler barlyq qajetti jeke qorǵaný quraldarymen (maskalar, antıseptıkteri bar sanıtaızerler) qamtamasyz etilgen. 

О́ziniń eseptik ýchaskesin jappaı aralaý barysynda ıntervıýerler sanaq paraqtaryn belgili tórt nysan boıynsha toltyrady. Sanaq paraqtarynda adamnyń jeke aqparaty jáne onyń turǵyn úı jaǵdaılary týraly suraqtar bar. Onyń ishinde - jalpy sıpattamalary, etnomádenı sıpattamalary, bilimi men saýattylyǵy, kóshi-qon, neke jaǵdaıy, týǵan kúni, jumyspen qamtylýy, ómir súrý kózderi, tirshilik áreketiniń shektelýi. 

Respondentterge barlyǵy 91 suraq qoıylady. Sanaq paraqtaryna engizilgen máseleler tizbesi aıtarlyqtaı keńeıtildi. Sanaq kezinde jınalǵan barlyq aqparat qupııa bolyp tabylady jáne tek jalpylanǵan túrde qoldanylady. 

Ulttyq halyq sanaǵyn ótkizý kezeńinde 1446 biryńǵaı call-ortalyǵy jumys isteıdi, qońyraýlar tegin. 

Sanaqqa qatysý - bul adamnyń aqparatty qajet etetin qoǵamnyń bir bóligi ekenin túsinýi. Qazirgi qoǵam áleýmettik jáne basqa salalarda odan ári damý men ilgerileý úshin ózekti sıfrlyq derekterdi paıdalaný qajettiligin sezinedi. Sanaq - bul memlekettik mańyzy bar is, ol barlyq azamattarǵa qajet. 

Halyq sanaǵynyń qorytyndylary ekonomıkalyq, demografııalyq jáne áleýmettik kórsetkishterdi kórsetedi jáne barlyq deńgeıdegi bıýdjetterdi neǵurlym obektıvti qalyptastyrý úshin negiz bolady. Sanaq nátıjeleri úı sharýashylyqtarynyń, neke-otbasy qatynastarynyń, múmkindigi shekteýli adamdar ómiriniń, halyqtyń turǵyn úı jaǵdaılarynyń jaı-kúıin jaqsartý jónindegi memlekettik baǵdarlamalardy ázirleý, bilim berý, jumyspen qamtý, týý jáne kóshi-qon máseleleri boıynsha sheshimder qabyldaý úshin qajet. Sapaly jınalǵan aqparat bıýdjetti josparlaý jáne qala men jalpy eldiń ekonomıkasyn damytý úshin qajet. 

Halyq sanaǵyna qatysatyn árbir azamat memlekettiń jáne óziniń bolashaǵynyń áleýmettik baǵdarlamalaryn josparlaýǵa jáne ázirleýge baǵaly úles qosady. 

Elorda turǵyndary men qonaqtaryn túsinistikpen qarap, elimizdiń mańyzdy jáne biregeı oqıǵasy – ulttyq halyq sanaǵyna belsendi qatysýlaryńyzdy suraımyz!

Esterińizge sala keteıik, halyq sanaǵy derekterin jınaý prosesi eki jolmen júzege asyrylady. Olardyń biri-úılerdi jappaı aralaý, ekinshisi - sanaq.gov.kz saıtyndaǵy onlaın-saýalnama.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Uqsas jańalyqtar