Ekologııa • 16 Qazan, 2021

Aral teńiziniń qurǵaǵan bólikterine 1,1 mln gektar sekseýil egiledi

167 ret kórsetildi

Aral teńiziniń qurǵaǵan ultanyna aldaǵy bes jylda 1,1 mln gektar sekseýil egiledi, dep habarlaıdy

Oblys ákimi Gúlshara Ábdiqalyqova orman sharýashylyǵy qyzmetkerleriniń kásibı merekesi qarsańynda sala qyzmetkerlerimen júzdesti. Júzdesýde aımaq basshysy Qyzylorda oblysynyń elimizdiń shóldi aımaǵynda ornalasqanyn atap ótti.

Ekologııalyq aımaqta qonys tepken óńirde orman sharýashylyǵynyń orny bólek. «Tuńǵysh Prezıdent – Elbasy Nursultan Ábishuly Nazarbaevtyń bastaýymen Aral teńizi jáne sol aýmaqty ekologııalyq saýyqtyrý baǵytynda naqty jumystar atqarylýda.

Oblysta 6,5 mln. gektardy quraıtyn memlekettik orman qorynyń 3,4 mln. gektary - ormandy alqap. Onyń 89 paıyzynda negizgi orman quraýshy sekseýil aǵashy ornalasqan. Syr óńiriniń tabıǵatyn saýyqtyrý, ormandy saqtaý, egý, qorǵaýda sala mamandarynyń úlesi zor», dedi oblys ákimi.

Júzdesýde atalǵan salanyń birqatar qyzmetkeri Qyzylorda oblysynyń Qurmet gramotasy jáne oblys ákiminiń Alǵys hatymen marapattaldy. Sala ardagerleri Murat Tóleǵulov pen Myrzamurat Ibraev aımaq basshysyna ormanshylarǵa kórsetken qurmeti úshin alǵys bildirdi. Áriptesterin óńirdi jasyl jelekke orap, odan ári kórkeıýine atsalysýǵa shaqyrdy.

Aldaǵy bes jyl ishinde 1,1 mln gektar alańda fıtoormanmelıorasııalyq jumystar júzege asyrylady. Bıyl 100 myń gektar sekseýil egiledi. Ol 2022-2025 jyldar aralyǵynda jyl saıyn 250 myń gektardy quraıdy.

Keleshekte fıtoormanmelıorasııalyq jumystar úshin halyqaralyq uıymdardyń (Dúnıejúzilik bank, USAID, German yntymaqtastyq qoǵamy (GIZ) qarjysy tartylady. Dúnıejúzilik Banktiń qaıtarymsyz qarjysy esebinen kelesi jyldan bastap «Qazaqstan Landshaftaryn qalpyna keltirý jónindegi» joba aıasynda qajetti sekseýil kóshetterin daıyndaý úshin turaqty orman pıtomnıgin qurý, orman sharýashylyǵy mekemesine qajetti tehnıkalar satyp alý oılastyrylyp otyr.

Oǵan qosa Aral teńiziniń qurǵaǵan ultanynyń 500 myń gektaryn kartaǵa túsirý, 100 myń gektaryna jobalyq izdestirý jáne Qyzylorda qalasy mańynda 3 myń gektarǵa jasyl aımaq qurý boıynsha jumystar bastalady.

Eske salsaq, aldaǵy ýaqytta Aralda «Balyqshylar» saıabaǵy ashylady.

 

 

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar