16 Qazan, 2021

Jambyl oblysynda etnosaralyq kelisim konferensııasy aıaqtaldy

160 ret kórsetildi

«Qazirgi kezeńdegi etnosaralyq kelisim: tájirıbe men bolashaqqa mindetter» halyqaralyq ǵylymı-praktıkalyq konferensııasy aıaqtaldy, dep habarlaıdy Egemen.kz.

Ýkraına, Izraıl, Bolgarııa, О́zbekstannan kelgen etnosaralyq qatynastar salasyndaǵy 200-den astam sarapshy, Qazaqstan Respýblıkasy Parlamenti Májilisiniń depýtattary, Joǵarǵy Sottyń, Bas prokýratýranyń, Ulttyq ekonomıka, Ishki ister, Bilim jáne ǵylym mınıstrlikteriniń, fılosofııa, saıasattaný jáne dintaný ınstıtýttarynyń ókilderi qatysty.

Konferensııa jumysy mýltıkýltýralızm ortasynyń qaqtyǵystardyń aldyn alýdaǵy ǵylymı-saraptamalyq áleýetin paıdalanýǵa, sondaı-aq qoǵamdyq kelisimdi nyǵaıtýdaǵy Qazaqstan halqy Assambleıasy men buqaralyq aqparat quraldarynyń róline arnaldy.

Seksııalyq jumystar barysynda halyqaralyq sarapshylar etnosaralyq qatynastar salasyndaǵy tájirıbelerimen bólisti, aqparattyq keńistikte retteý tásilderi men qaqtyǵysty jumyldyrý týraly, kóp mádenıetti qoǵamdaǵy kreatıvti bilim týraly atap ótti, sondaı-aq biregeılik saıasatyna jáne ulttyq jáne dinı biregeıliktiń sıntezine toqtaldy.

Otandyq sarapshylar etnosaıasat máselelerinde zertteý, taldaý jáne saraptamalyq súıemeldeýdi júzege asyratyn ınstıtýsıonaldyq qurylymdar men uıymdardy tanystyrdy. Qatysýshylar Qoldanbaly etnosaıası zertteýler ınstıtýty jáne QHA kafedralary qaýymdastyǵynyń qyzmetimen egjeı-tegjeıli tanysty.

Sonymen qatar, QHA depýtattyq tobynyń róli jáne óńirlerde QHA músheleri iske asyryp jatqan áleýmettik jobalar, qazirgi qoǵamdaǵy azamattyq biregeılik pen toleranttylyqty nyǵaıtý týraly máseleler kóterildi.

Etnosaralyq qatynastar salasyndaǵy máselelerdi eki kúndik talqylaý qorytyndysy boıynsha konferensııaǵa qatysýshylar etnosaıasatty iske asyrý barysynda problemalyq máselelerdi qalyptastyrýdyń, nyǵaıtýdyń jáne tıimdi sheshýdiń mańyzdy aspektilerin kórsetetin qarar qabyldady.

Konferensııanyń qorytyndy bóliminde Jambyl oblysynyń ákimi B.Saparbaev konferensııany qorytyndylap, barlyq qatysýshylarǵa etnosaralyq beıbitshilik pen kelisimdi nyǵaıtýǵa qosqan úlesi úshin alǵysyn bildirdi.

 

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar