Qoǵam • 17 Qazan, 2021

2022 jyldan bastap máslıhat hatshylarynyń jalaqylary ósedi

144 ret kórsetildi

Elimizde 2022 jyldyń 1 qańtarynan máslıhat hatshylarynyń jalaqylary ósedi. Bul jaıynda Senat depýtattarynyń saýalyna QR Premer-Mınıstri Asqar Mamınniń bergen jaýabynda aıtylǵan, dep habarlaıdy Egemen.kz.

«Sizderdiń barlyq deńgeıdegi máslıhat hatshylarynyń, tekserý komıssııalarynyń tóraǵalary men músheleriniń laýazymdyq aılyqaqylaryn kóterý týraly depýtattyq saýaldaryńyzdy qarap, mynany habarlaımyn. Joǵaryda kórsetilgen laýazymdarǵa eńbekaqy tóleý «Memlekettik bıýdjet esebinen ustalatyn barlyq organdardyń qyzmetkerlerine eńbekaqy tóleýdiń biryńǵaı júıesin bekitý týraly» Úkimettiń 2017 jylǵy 16 qazandaǵy № 646qbp qaýlysymen retteledi.

Memleket basshysynyń memlekettik organdarda eńbekaqy tóleýdiń jańa júıesin engizý jónindegi tapsyrmasyn iske asyrý aıasynda (2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Joldaýyn iske asyrý jónindegi JUJ-nyń 8-tarmaǵy) 2021 jylǵy 30 maýsymda joǵaryda atalǵan qaýlyǵa tıisti ózgerister engizildi (QR Úkimetiniń № 451qbp qaýlysy). Engizilgen ózgeristerge sáıkes jergilikti atqarýshy organdardyń memlekettik qyzmetshileriniń, barlyq deńgeıdegi máslıhat apparattarynyń memlekettik qyzmetshileriniń, tekserý komıssııalarynyń memlekettik qyzmetshileriniń, onyń ishinde olardyń tóraǵalary men músheleriniń laýazymdyq aılyqaqylary 2021 jylǵy 1 shildeden bastap joǵarylady», delingen Úkimet basshysynyń jaýabynda.

Sonymen qatar Asqar Mamınniń jaýabynda atalǵan qaýlyǵa sáıkes jalaqy mólsheri laýazymdyq aılyqaqy shemasyna jáne laýazymdardy deńgeıler men fýnksıonaldyq bloktar boıynsha bólýge sáıkes belgilenetindigi aıtylady. Bul rette, laýazymdar fýnksıonaldyq bloktarǵa bólinedi, al fýnksıonaldyq bloktar mindetterdi iske asyrý qaǵıdattaryna, jaýapkershilik deńgeıine jáne talap etiletin biliktilikke súıene otyryp, laýazymǵa tıesilikti kórsetedi. «Barlyq deńgeıdegi máslıhat hatshylarynyń laýazymdyq aılyqaqylaryn kóterýge qatysty Memleket basshysy 2021 jylǵy 8 qazandaǵy № 64-18.0 PAB-9 qararmen 2022 jylǵy 1 qańtardan bastap máslıhat hatshylarynyń jalaqylaryn arttyrý týraly Úkimettiń usynysyn qoldaǵanyn habarlaımyn. Osyǵan baılanysty, aǵymdaǵy jyldyń sońyna deıin Úkimet memlekettik bıýdjet esebinen ustalatyn barlyq qyzmetkerlerdiń eńbegine aqy tóleýdi reglamentteıtin joǵaryda atalǵan qaýlyǵa tıisti túzetýler engizý boıynsha qajetti sharalar qabyldaıtyn bolady», deıdi Premer-Mınıstr jaýabynda.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar