«Koronavırýstyq pandemııa kórsetkendeı, ishki naryqty qamtamasyz etý basty mindet bolyp tabylady. Sondyqtan, basym eksporttyq saıasatpen qatar, ımportty almastyrý máseleleri keshendi túrde sheshiletin bolady. Mınıstrlik qus eti, shujyq ónimderi, irimshik jáne súzbe, alma, qant jáne balyq sııaqty eń kóp ımporttalatyn pozısııalardy anyqtady», dep atap ótti mınıstr.
Búgingi tańda osy baǵyttardyń árqaısysy boıynsha naqty ınvestısııalyq jobalar anyqtalyp, iske asyrylýda. Qoıylǵan maqsatqa qol jetkizý úshin birqatar memlekettik qoldaý sharalary, onyń ishinde jeńildikti kredıtteýmen, sýbsıdııalaýmen, jer resýrstarymen, ınfraqurylymmen, sondaı-aq ishki naryqty qorǵaý jónindegi sharalarmen qamtamasyz etý boıynsha iske asyrylatyn bolady. Nátıjesinde 2024 jylǵa qaraı qantty qospaǵanda, ónimniń osy túrleri boıynsha qamtamasyz etilý 100%-dy, al qant boıynsha - 80%-dy quraýy tıis.
