Qaıǵyly oqıǵa keshe saǵat 18.45-te Aqtóbe qalasynda tirkeldi. Qala turǵyny polısııa bólimine habarlasyp, 11-shaǵyn aýdanyndaǵy № 112 «V» úıiniń kireberisinde kámelet jasyna tolmaǵan qyzdyń jatqanyn aıtqan.
Polısııa jasaǵy atalǵan úıdiń kireberisinen 2008 jyly týǵan jetkinshektiń denesin tapty. Ol 25 qabatty úıdiń 20-qabatyndaǵy kireberistiń balkonynan sekirip ketken.
«Kámeletke tolmaǵan bala alǵan jaraqatynan jedel járdem kelgenge deıin qaza boldy. Oqıǵanyń sebepteri anyqtalyp jatyr. Qazir Qylmystyq kodekstiń «О́z-ózine qol jumsaýǵa jetkizý» baby boıynsha sotqa deıingi tergeý júrgizilip jatyr», dedi oblystyq PD baspasóz qyzmetiniń jetekshisi Erbolat Sarqulov.
