«Qaırat» chempıondyqtan qur qaldy

24-týrdyń shymyldyǵyn «Aq­jaıyq» pen «Turan» koman­dalary ashty. Týrnır kestesinde «Turanǵa» qaraǵanda joǵary orynda kele jatqan Oraldyń ko­mandasy qatarynan besinshi týrda jeńiske jete almaı ke­ledi. Oral­daǵy Petr Atoıan atyn­daǵy stadıonda ótken oıyn 1:1 esebimen teń aıaqtaldy. Match­tyń 30-mınýtynda alań qo­ja­ıyn­dary sapynan Mıhaıl Ga­shenkov esep ashsa, 73-mınýtta «Tu­rannyń» reseılik jartylaı qor­ǵaýshysy Pavel Deobald chem­pıonattaǵy alǵashqy golyn soǵyp, komandasyna bir upaı syılady. Bul oıynnan keıin Oral­dyń «Aqjaıyǵy» 31 upaı­men týrnır kestesindegi altynshy, «Tu­ran» 25 upaımen 12-shi or­nyn saqtap qaldy.

Qaraǵandynyń «Shahteri» Aqtaý­dyń «Kaspııin» qabyldap, 1:0 esebimen basym tústi. Match­taǵy jalǵyz ári jeńis golyn 73-mı­nýtta Idrıs Ýmaev saldy. Bul goldyń soǵylýy da qyzyq bol­dy. Reseılik shabýylshy Marko Mı­loshevıch qorǵaǵan qaq­paǵa qos birdeı soqqy baǵyt­taǵanymen, eki retinde de qaq­pashy dopty qaıtara bildi. Tek úshin­shi ret tepkende ǵana Mılo­shevıch bul soqqynyń aldynda dármensiz qaldy. Osy­laısha eki teń oıynnan keıin jeńiske jetken Magomed Adıev shákirtteri 30 upaımen segizinshi orynǵa kóterildi. Al Aqtaý klýby 28 upaımen 10-orynǵa túsip qaldy.

Chempıonatta ala-qula óner kórsetip júrgen «Ordabasy» men «Atyraý» Shymkentte kezde­sip, match 2:1 esebimen «Orda­ba­­synyń» jeńisimen aıaqtaldy. Birinshi taımda birde-bir gol kóre al­maǵan jankúıerler ekinshi taımda komandalardyń úsh golyna kýá boldy. Ekinshi taım basynda «munaıshylar» sapynan brazılııalyq Allef gol soǵyp, komandasyn alǵa shyǵardy. Bul – Alleftyń Qazaqstan chem­pıo­natyndaǵy alǵashqy goly. Ol «Atyraý» sapynda nebári úshinshi kezdesýin ótkizdi. Arada toǵyz mınýt ótkende Elhan Astanov tarazy basyn teńestirse, 74-mınýtta Abdýllaı Dıakate komandasyna jeńis syılady. Osy jeńisiniń nátıjesinde «Ordabasy» áli de Eýrokýbok joldamasynan úmitti ekenin ańǵartty. Úsh upaıdy qor­jynǵa salǵan shymkenttik ujym týrnır kestesinde 35 upaımen besinshi orynda tur. «Atyraý» 27 upaımen 11-orynǵa syrǵydy.

Týrdyń birinshi kúnine jos­parlanǵan oıyndardyń soń­ǵy­sy Aqtóbede ótti. Byl­tyr­­­ǵy Qa­zaqstan chempıonda­ryn qa­byl­daǵan «Aqtóbe» qar­sy­las­taryna 1:2 esebimen jol berdi. Kez­de­sýdiń esebin 31-mınýtta Artýr Shý­­shenachev ashsa, 41-mınýtta «Aq­tóbe» fýtbolshysynyń qate­liginen keıin Gúljigit Alyqulov tablodaǵy kórsetkishti 2:0-ge jetkizdi. Ekinshi taımnyń 73-mınýtynda «Qaırat» qorǵaýshysy Nuraly Álip baıqaýsyzda óz qaq­­pasyna gol soǵyp alyp, alań ıe­lerine azdap kómektesip ji­ber­di. Match sońyna deıin alań ıeleri tarazy basyn teńestirýge tyrysqanymen, «Qaırat» oıyn­shylary oǵan múmkindik ber­medi. Bul jeńisinen keıin Qur­ban Berdyev shákirtteriniń chempıonatty úshinshi orynmen aıaqtaıtyny belgili boldy. «Qaı­rat» keıingi oıyndarda je­ńiske jetse de, jeńilse de úshinshi orynnan kóterile almaıdy. «Aqtóbe» 30 upaımen jetinshi orynda tur.

Ekinshi jarys kúninde chem­pıon­dyq tájge talas júr­gizip kele jatqan elordanyń «As­tana­sy» men Qostanaıdyń «To­byly» kezekti týr oıyndaryn ótkizdi. «Astana» óz alańynda chem­pıonatpen qoshtasqan Qy­­zylordanyń «Qaısaryn» qa­byldap, 2:0 esebimen jeńiske jetti. 74-mınýtta Tıgran Bar­­­segıan mergendik tanytsa, match­­­tyń aıaqtalýyna bir mınýt qalǵanda Marın Tomasov ekinshi goldy soǵyp, oıynnyń núktesin qoıdy. Tomasovtyń bul oıynda dýbl avtory atanýǵa tama­sha múmkindigi bolǵan edi. Alaıda birinshi taımda «Ta­raz» qaqpasyna belgilengen pe­nal­tıdi sátti oryndaı almady. Kezekti úsh upaıyn qor­jynǵa salǵan «Astana» týrnır kestesinde 56 upaımen bi­rinshi ornyn saqtap qaldy. Chem­pıonattyń aıaqtalýyna áli eki týr qalsa da, «Qaısardyń» kelesi maýsymda Birinshi lıgada oınaıtyny belgili boldy. 24 matchtyń nebári úsheýinde ǵana jeńiske jetip, jeti ret teń oınaǵan Qyzylordanyń komandasy 16 upaımen 14-orynda qalyp qoıdy.

Petropavldaǵy «Qarasaı» stadıonyndaǵy «Qyzyljar» men «Tobyl» arasyndaǵy match qos­tanaılyqtardyń senimdi jeńisimen aıaqtaldy. Bul oıynda eki komandaǵa da úsh upaı aýadaı qajet edi. О́ıtkeni «Qyzyljar» Eýrokýbok joldamasy úshin, «Tobyl» chempıondyq úshin talasyp jatyr. Degenmen Petropavl komandasy deńgeı jaǵynan bol­syn, chempıonattaǵy alǵa qoı­ǵan maqsat jaǵynan bolsyn áldeqaıda joǵary turǵan «To­bylǵa» esh qarsylyq kórsete almady. Igor Sergeev pen Je­remı Manzorronyń goldary «Tobylǵa» jeńis syılady.

Taldyqorǵanda ótken «Je­tisý» men «Taraz» arasyn­daǵy match qonaqtardyń paıdasyna aıaq­taldy. Kezdesýdiń 67-mıný­tynda «Taraz» shabýylshysy Nenad Adamovıch baspen gol soǵyp, komandasyn alǵa shy­ǵar­dy. Matchtyń aıaqtalýyna tórt mınýt qalǵanda «Jetisý» sa­­pynan Dııas Qalybaev esepti teńestirip ketti. Teń oıynǵa ke­lispegen «Taraz» oıynshylary tóreshi qosqan qosymsha ýaqytta gol soǵyp, qarsylastarynan je­ńisti julyp aldy. Gol avtory – Tımýr Dosmaǵambetov. Osy­laısha qatarynan úsh oıynda jeńilgen «Jetisý» da Premer-lıgamen qoshtasty. «Taraz» 29 upaımen toǵyzynshy orynda.