Sport • 20 Qazan, 2021

Sport jańalyqtaryna sholý

35 ret kórsetildi

Chempıonatqa jańarǵan quram barady

Bokstan Qazaqstan ulttyq qurama­synyń bas bapkeri Qaırat Sátjanov aldaǵy jeksenbi kúni Serbııa astanasy – Belgradta jalaýy jelbireıtin álem chempıonatynda sharshy alańǵa shy­ǵatyn boksshylar tizimin jarııalady.

Tokıodaǵy sátsizdikten keıin Qazaqstan boks quramasy álem birinshiligine ájeptáýir jańarǵan qurammen bara jatyr. AIBA-nyń jańa erejesi boıynsha boksshylar álem birinshiliginde burynǵydaı 10 emes, 13 salmaq dárejesi bo­ıyn­sha júldege talasady. Sondyqtan bapkerler bıylǵy birinshilikte birqatar boksshyǵa múmkindik berýdi jón sanaǵan eken. Atap aıtar bolsaq, eresekter arasyndaǵy álem chempıo­natyna alǵash ret aǵaıyndy Samatáli, Sanatáli Tóltaevtar (60 jáne 63,5 kg), aǵaıyndy Nurbek jáne Aıbek Oralbaılar (80 jáne 92 kg), Mahmud Sabyrhan (54 kg), Nurqanat Raıys (75 kg), ulttyq quramaǵa qaıta oral­ǵan Bek Nurmaǵanbet (86 kg) jáne Nurlan Saparbaı (+ 92 kg) qatysqaly otyr.

Al Tokıoǵa barǵandardan Sáken Bıbo­synov (51 kg), Serik Temirjanov (57 kg) pen Abylaıhan Júsipov (67 kg) Serbııa shar­shy alańynda baq synaıdy. Ulttyq qura­manyń kapıtany Qamshybek Qońqabaev álem chempıonatynan tys qalǵan soń, bul mindet Abylaıhan Júsipovke júkteldi. Aıta keteıik, álem birinshiligi 24 qazan men 6 qarasha aralyǵynda ótedi. Sonymen qatar chempıonattar tarıhynda bıyl birinshi ret jeńis tuǵyryna kóterilgen bylǵary qol­ǵap sheberlerine qarjylaı syıaqy taǵaıyndalyp otyr.

 

 

Reıtıngtik týrnırde top jardy

Chernogorııanyń bas shahary – Pod­gorısada ótken taekvondodan Montenegro Podgorica Open 2021 reı­tıngtik týrnıri aıaqtalyp, jarysta baq synaǵan qazaqstandyq Jansel Denız chempıon atandy.

Ulttyq Olımpıada komıtetiniń málimeti boıynsha, halyqaralyq jarysta 73 kıloǵa deıingi salmaqta synǵa túsken Jansel reıtıngtegi ornyna baılanysty alǵashqy aınalymnan bosatylyp, týrnırdi ekinshi kezeńnen bastady. Ol aldymen Moldova sportshysyn jarys jolynan shyǵaryp jiberse, jartylaı fınalda Brazılııadan kelgen qarsylasyn esh qıyndyqsyz jeńip, fınalǵa joldama aldy. Al fınalda túr­kııa­lyq Hýrı Kýrkýttan basym túsken jer­lesimiz mańyzdy týrnırde top jardy. Qola júldeni Brazılııa jáne Horvatııa taekvondoshylary ıelendi.

Aıta keteıik, Jansel Denız osydan bir aı buryn Túrkııanyń Ystanbul qalasynda ótken WT President’s Cup Europe týrnırinde de aldyna jan salmaı, tuǵyrdyń bıik satysynan kórinip edi.

 

 

Álemdik reıtıng jańardy

Kásibı tennısshiler qaýymdastyǵy (ATP) sportshylardyń jańartylǵan reıtıngin jarııalady.

Qazaqstannyń birinshi raketkasy Aleksandr Býblık eki oryn joǵarylap, 35-satyǵa jaıǵasty. Al Mıhaıl Kýkýshkın 149-orynnan 147-orynǵa kóterildi. Dmıtrıı Popko 163-shi satyda tur. Al áıelder tennısi qaýymdastyǵy (WTA) reıtıngi boıynsha, Qazaqstannyń birinshi raketkasy Elena Rybakına bir orynǵa tómen syrǵyp, 17-orynǵa turaqtady. Iýlııa Pýtınseva da 43-ten 44-orynǵa jaıǵasty. Esesine Zarına Dııas 108-den 104-orynǵa kóterilip, úzdik júzdikke jaqyndap keledi.

 

Daıyndaǵan Álı BITО́RE

 

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar