Sport • 22 Qazan, 2021

Sport jańalyqtaryna sholý

29 ret kórsetildi

Joldastyq kezdesý ótkizedi

Fýtboldan Qazaqstan ulttyq qura­masy qarashada Tájikstan qurama­symen joldastyq match ótkizedi. Bul týraly Qazaqstan fýtbol federa­sııasynyń baspasóz qyzmeti málimdedi.

 

FIFA-nyń resmı joldastyq matchtar kúntizbesi aıasynda eki el federasııasynyń ókil­deri kelissóz júrgizip, match ótkizý týraly ortaq ke­lisimge kelgen. Oıyn 16 qarashada elor­dadaǵy «Astana Arena» stadıonynda ótedi. Match Nur-Sultan ýaqytymen 19:00-de bas­talady.

Álem chempıonatynyń irikteý kezeńin Azııa qurlyǵynda ótkizgen Tájikstan F tobynda Japonııa, Mıanma, Mońǵolııa jáne Qyr­ǵyzstan quramalarymen oınady. 8 oıyn­nyń tórteýinde jeńiske jetip, bir matchta teń oınap, úsh oıynda qarsylastaryna jol bergen Tájikstan 13 upaımen óz tobynda ekinshi orynǵa taban tiredi. Biraq kelesi irikteý satysyna óte almady.

Búginge deıin Qazaqstan men Tájikstan qu­ramalary jasyl alańda tórt márte kez­desip, úsheýinde jerlesterimiz jeńiske jetken. Bir oıynda qarsylastardyń kúshteri teń tústi. FIFA-nyń kúni keshe jańarǵan reı­tıngi boıynsha Tájikstan quramasy tórt saty joǵarylap, 114-orynǵa turaqtady. Al Qazaqstan quramasy 5 saty tómendep, 125-orynǵa syrǵydy. Iаǵnı biz reıtıngte Tájik­stannan tómen turmyz.

Esterińizge sala keteıik, Talǵat Baısý­fınov shákirtteri 13 qarashada álem chempıo­natynyń irikteý kezeńi aıasyndaǵy sońǵy oıy­nyn syrt alańda Fransııamen ótkizedi. Bul – Qazaqstan quramasynyń osy jyldaǵy sońǵy resmı matchy.

 

 

Tórt jattyǵý boıynsha fınalda

Japonııanyń Kıtakıýsıý qalasynda ótip jatqan sporttyq gımnastıkadan álem chempıonatynda Qazaqstan komandasynyń músheleri tórt jattyǵý boıynsha fınalǵa shyqty.

 

Ulttyq Olımpıada komıtetiniń málimeti boıynsha, Qazaqstan komandasynyń úzdigi Mılad Karımı kópsaıys, gımnastıkalyq kerme jáne erkin jattyǵýdan álem chempıo­natynyń fınalyna ótti. Ol kópsaıysta 80,706 upaı jınap, irikteýde 16-oryn ıelendi. Osylaısha, fınalǵa shyqqan 24 sport­shynyń qatarynan kórindi. Sondaı-aq Mılad gımnastıkalyq kermedegi jattyǵý boıynsha 14,433 upaı jınap, irikteýde úshinshi nátıje kór­setti. Bul jattyǵýda 14,633 upaı jınaǵan ja­pondyq Daokı Hashımıto birinshi, 14, 533 upaı alǵan qytaılyq Hý Hýveı ekinshi orynda tur.

Sonymen qatar Karımı erkin jattyǵýdaǵy irikteý synynda 4-oryn ıelenip, fınalǵa ótti. Ol 14,941 upaı jınap, Fılıppın, Italııa jáne Ja­ponııa sportshylaryna ǵana ese jibergen. Fı­nalǵa shyqqan sportshylardyń qatarynda Na­rıman Qurbanov ta bar. Gımnastıkalyq at snarıadynda 15,000 upaı jıǵan Narıman altynshy nátıjemen fınalǵa joldama aldy. Fınaldyq kezeńder 22, 23 jáne 24 qazanǵa josparlanǵan.

 

 

Olımpıada alaýy – Beıjińde

Olımpııa oıyndarynyń alaýy Afı­nadan aq qar, kók muz ústindegi tórt jyl­dyqtyń basty dodasyn qabyl­daı­tyn Qytaı astanasy – Beıjińge jet­kizildi.

 

Olımpıada alaýy aldymen Beıjińdegi Olımpıada munarasyna qoıylyp, keıinnen Qytaıdy aralap shyǵý úshin týrnege attanady. Alaıda fakeldik estafeta aýqymy koronavırýsqa baılanysty qysqarǵan. 2022 jyldyń 2-4 aqpany aralyǵynda Qytaıdyń úsh qalasy – Beıjińde, Iаnsınde jáne Chjan­szıakoýde 1200 alaýgerdiń qatysýymen esta­fetanyń sońǵy kezeńi uıymdastyrylady. Al XXIV Qysqy Olımpııa oıyndary 2022 jyl­dyń 4-20 aqpany aralyǵynda Beıjińde ótedi.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar