Qazaqstan • 23 Qazan, 2021

XVI Ankara kitap jármeńkesine Qazaqstan tańbasy basyldy

186 ret kórsetildi

22 qazanda XVI Ankara kitap jármeńkesiniń saltanatty ashylýy ótti, dep habarlaıdy Egemen.kz.

Bul jolǵy kitap jármeńkesine Qazaqstan «qonaq el» retinde qatystyp jatyr. 

Atalǵan is-sharaǵa Túrkııa Uly Ulttyq Májilisiniń Tóraǵasy Mustafa Shentop, Qazaqstannyń Túrkııadaǵy Elshisi Abzal Saparbekuly, Túrkııa Uly Ulttyq Májilisiniń depýtaty, Túrkııa-Qazaqstan parlamentaralyq dostyq tobynyń tóraǵasy Mehmet Alı Jevherı, Mártebeli sheteldik jazýshy retinde Qazaqstannyń Eńbek sińirgen qaıratkeri Ádil Ahmetov, kórmeniń uıymdastyrýshy «Eylül» kórmesiniń Basqarma tóraǵasy Remzı Chaıyr, Túrkııa Ulttyq kitaphanasy dırektorynyń orynbasary Alı Odabashy men Túrkııadaǵy dıplomatııalyq mıssııa basshylary, shetel dıplomattary, zııaly qaýym ókilderi jáne qazaqstandyq jazýshylar qatysty.


Atalǵan is-sharada alǵash sóz alǵan «Eylül» kórmesiniń Basqarma tóraǵasy Remzı Chaıyr Ankara kitap jármeńkesiniń Túrkııadaǵy eń úlken jármeńkelerdiń biri bolyp esepteletinin atap ótti.

E

Mártebeli sheteldik jazýshy retinde arnaıy shaqyrylǵan Á.Ahmetov Túrkııa men Qazaqstan arasynda tek dıplomatııalyq qatynastar ǵana emes, sonymen qatar saıası, ekonomıkalyq jáne mádenı baılanystardyń qarqyndy damyp jatqanyn atap ótti. Osy aıtylǵandardyń naqty bir dáleli retinde búgin bastalyp otyrǵan Halyqaralyq Ankara kitap jármeńkesine Qazaqstannyń «qurmetti qonaq» retinde shaqyrylýyn erekshe ataýǵa bolatynyn aıtty.

Túrkııa Uly Ulttyq Májilisiniń Tóraǵasy Mustafa Shentop óz sózinde Qazaqstan Táýelsizdiginiń 30 jyldyq mereıtoıymen Túrkııa memleketiniń jáne óziniń atynan quttyqtap, jyly lebizin bildirdi. Sonymen qatar, bıyl Qazaqstannyń «Qonaq memleket» retinde atalǵan kitap jármeńkesine qatysýynda úlken mán jatqanyn aıtty. Bul jármeńkede túrik oqyrmandary qazaq avtorlarynyń shyǵarmalarymen keńinen tanysyp, mundaı is-sharalar eki eldiń mádenıet salasyndaǵy baılanystardy nyǵaıtatynyn atap ótti.


Is-sharada sóz alǵan Qazaqstannyń Túrkııadaǵy Elshisi Abzal Saparbekuly dástúrli 16-shy Ankara kitap jármeńkesine qatysýshylardy ashylý saltanatymen quttyqtap, jármeńkeni uıymdastyrýshylarǵa rızashylyǵyn bildirdi. Elshi bıyl Qazaqstan «Qonaq memleket» retinde qatysqan bul kitap jármeńkesindegi basty maqsattyń túrik oqyrmandaryna qazaq avtorlarynyń shyǵarmalarymen tanystyrý bolyp tabylatynyn jáne osy jyly Qazaqstannyń Táýelsizdigine 30 jyl tolýyna oraı, osyndaı keleli is-sharalar eki eldiń mádenı-ǵylymı baılanystaryn odan ári kúsheıte túsetinine senimin bildirdi.

E
Is-sharanyń sońynda kelgen qonaqtar men qatysýshylar Kitap jármeńkesin aralady.

Ankaranyń «ATO Congresium» kórme ortalyǵynda ótip jatqan is-sharaǵa Túrkııanyń 300-den astam iri baspa úıi, baspahanalar men jarnama agenttikteri qatysýda. Uıymdastyrýyshylar bıylǵy Ankara kitap jármeńkesine kelýshilerdiń sany 350 myńnan asady dep boljaýda.
Ankara kitap jármeńkesi 2005 jyldan beri uıymdastyrylyp keledi jáne jylyna eki ret ótkiziledi. Osy ýaqytqa deıin Italııa, Fransııa, Iran jáne Reseı elderi kórmege «qonaq memleket» mártebesinde qatysqan.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar