Ulttyq sport • 25 Qazan, 2021

«Aq bıdaı» oıyndary aıaqtaldy

41 ret kórsetildi

Aqtaýda el Táýelsizdiginiń 30 jyldyǵyna arnalǵan bıylǵy VII «Aq bıdaı» respýblıkalyq aýyl sporty oıyndary óz máresine jetti.

11 qazannan bastap Mań­ǵystaý oblysynda 14 oblystan kelgen 2000-nan astam qaty­sýshy sport­tyń 14 túrinen: teńge ilý, jamby atý, aýda­rys­­paq, qusbegilik, vo­leı­bol, shaǵyn fýtbol, qazaq kú­resi, to­ǵyzqumalaq, asyq atý, gir spor­ty, qol kúresi, ústel ten­nısi, jazǵy prezıdenttik kóp­­saıys jáne kıkboksıngten syn­ǵa tústi. Tórt jylda bir ret uıym­­dastyrylatyn keshendi dodada kásipqoı sportshylar emes, sa­lamatty ómir saltyn serik etken jandar óner kórsetti.

Respýblıkalyq saıystyń saltanatty jabylý rásiminde Mań­ǵystaý oblysy ákiminiń bi­­rinshi orynbasary Abzal Meń­­dibaev sóz alyp, jeńimpaz koman­dalardy m­arapattady. Oıyn­dardyń sońǵy kúni shaǵyn fýtboldan úzdik shyq­qan komandalar belgili boldy. Ala dop bá­­sekesinde Túrkistan oblysy top jarsa, Qyzylorda ob­ly­sy­nyń ókilderi ekinshi, Aty­raý ob­ly­synyń sportshylary úshin­shi orynǵa ıe boldy.

Osydan keıin «Aq bıdaı» res­pýblıkalyq aýyl sporty oıyn­darynyń qorytyndy upaıyn jarııalaý jáne jeńimpazdardy marapattaý rásimine kezek keldi. Qorytyndy esepte 199 upaı jı­naǵan Túrkistan oblysy 1-oryndy ıelendi. Enshisinde 183 upaıy bar Almaty oblysy 2-oryn alsa, 164 upaımen Qyzylorda oblysynyń komandasy úshinshi orynǵa turaqtady.

Dástúr boıynsha tórt jyldan keıin «Aq bıdaı» respýblıkalyq aýyl sporty oıyndaryn qabyl­daıtyn óńir anyqtaldy. Oıyn­dardyń týyn Mańǵystaý oblysy Almaty oblysyna tapsyrdy.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar