Tapsyrmalar naqty oryndalýy tıis

Keshe Premer-Mınıstr Serik Ahmetovtiń tóraǵalyǵymen Úkimet otyrysy ótti. Onda Elbasynyń tóraǵalyǵymen 14 aqpanda ótken Úkimettiń keńeıtilgen otyrysynda berilgen tapsyrmalar jan-jaqty qaralyp, olardy oryndaýǵa baılanysty naqty sheshimder qabyldandy.  Memleket basshysy osy aıdyń 14 aqpany kúni bolǵan keńeıtilgen otyrysta, elimizdiń áleýmettik-ekonomıkalyq damýyna qatysty ótken jyly atqarylǵan ju­mys­tardyń qorytyndysy boıynsha Úkimettiń esebin tyńdady. Sóıtip, aǵymdaǵy jyl men dál osy kezeńge baılanysty birqatar mańyzdy tapsyrmalar júktedi. Búgin osy tapsyrmalardy zerdelep, olardy naqty oryndaý sharalaryn qarastyramyz, dep bas­tady sózin S.Ahmetov. Úki­met músheleriniń nazaryn bi­rinshi kezekte teńge baǵamynyń ózgerýine baılanysty máselege aýdardy. Bul turǵyda biz taýarlar baǵasynyń ósýine jol bermesten, ony jiti baqylaýda ustaýǵa tıispiz. Odan ári baǵanyń turaqtanýyn qam­tamasyz etemiz. Ásirese, áleý­mettik mańyzy zor azyq-túlik taýarlary men kúndelikti tuty­natyn janar-jaǵarmaı baǵa­sy basty nazarǵa alynsyn. Son­daı-aq, dári-dármektiń de nar­qyn qymbattatpaýdyń amaly qa­ras­tyrylsyn. Ásirese, áleý­mettik mańyzy zor ónimder men taýarlar tapshylyǵy múlde oryn almasyn. Oǵan bizdiń múm­kindikterimiz bar. Munymen qatar, monopolısterdiń tarapynan kórsetiletin qyzmetterdiń tarıfi de qatań baqylaýda bolsyn, dedi Úkimet basshysy. Premer-Mınıstr jergilikti astyq kásiporyndarynda un baǵasynyń turaqty bolýy úshin barlyq múmkindikterdi qarastyrý kerektigin atap ótti. Sondaı-aq, osy jyldyń birinshi mamyryna deıin kommýnaldyq qyzmetterge qatysty tólemderdiń ózgermeıtini málim boldy. «Qazir naqty sharalar belgilenip boldy. Endi olardy júzege asyrý isin qatań baqylaýǵa alý qajet», dedi S.Ahmetov. Úkimet basshysy sondaı-aq, Biryńǵaı zeınetaqy jınaqtaý qorynyń qyzmeti týraly da áńgime qozǵady. Úkimettiń sheshimimen Biryńǵaı zeınetaqy jınaqtaý qory quryldy. Qazirgi kezde oǵan azamattardyń zeınetaqy jınaqtaryn berý boıynsha belsendi jumystar júrgizilip jatyr. Biryńǵaı qor jumysyn tolyqqandy bastaý úshin bul úderisterdi jedeldetý kerek. Onyń syrtynda, bul jumystar týraly halyqty barynsha aqparattandyrý qajet, dedi S.Ahmetov. Sondaı-aq ol, ókiletti memlekettik organdarǵa ındýstrııalandyrýdyń basym baǵdarlamalaryn qarjylandyrýdyń, óńdeý kásiporyndarynyń jobalaryn, onymen birge shaǵyn jáne orta bıznesti nesıelendirýdiń naqty tetikterin daıyndaýdy tapsyrdy. Munymen qatar, kásipkerlik salasyndaǵy ákimshilik prosedýralardy ońaılatý maqsatynda kásipkerlikti retteıtin, barlyq normatıvtik-quqyqtyq aktilerge osy jyldyń 1 maýsymyna deıin revızııa júrgizý kerektigin shegeledi. Sondaı-aq, el ekonomıkasyna ınvestısııa tartýdyń qoldanystaǵy sharttaryn qaıta qaraý mindetteldi. Bizdiń qolymyzda sheteldik jáne otandyq ınvestısııalardy tartýdyń aıqyn jospary bolýy tıis. Árbir basym sektorǵa úzdik transulttyq kompanııalar tizimin anyqtap jáne olardyń árqaısysyn tartý boıynsha strategııa daıyndaý qajet. Investorǵa kedergi keltiretin barlyq bógetterdi alyp tastaý kerek, dedi S.Ahmetov. Úkimet músheleriniń nazaryn ken barlaý jumysyn damytýdyń mańyzdylyǵyna da aýdardy. Indýstrııa jáne jańa tehnologııalar mınıstrligi men Munaı jáne gaz mınıstrligine bul salaǵa jetekshilik etetin jeke memlekettik organ qurý boıynsha usynys engizýdi tapsyrdy. Bularmen birge, ókiletti memlekettik organdarǵa Memleket basshysynyń barlyq tapsyrmalaryn oryndaýǵa baǵyttalǵan basqa da birqatar nusqaýlar berdi. Tutastaı alǵanda, Elbasynyń qatysýymen ótken keńeıtilgen Úkimet otyrysynyń qorytyndysy boıynsha, naqty oryndaýshylar men merzimder anyqtalyp, tıisti hattamaǵa qol qoıylatyn bolady, dep túıindedi sózin S.Ahmetov. Nurbaı ELMURATOV, «Egemen Qazaqstan».